სამეფო კარის თამაშების ვარსკვლავი გვენდოლინ კრისტი, სტივ კარელთან ერთად, რობერტ ზემეკისის ახალ დრამაში ითამაშებს.

რეჟისორი ახალ ფილმს დოკუმენტურ მასალაზე დაყრდნობით გადაიღებს, უფრო კონკრეტულად კი მისი შთაგონების წყარო 2010 წელს გადაღებული დოკუმენტური ფილმი Marwencol არის.

ფილმში სტივისა და გვენდოლინის გარდა წლევანდელი კანის კინოფესტივალის გამარჯვებულ დაიან კრიუგერსაც შევხვდებით, ასევე ლესლი მანსა და ჯანელ მანაეს.

სტივ კარელი ფილმში მეორე მსოფლიო ომის ერთ-ერთ მსხვერპლს თამაშობს. ადამიანს, რომელიც სასტიკად აწამეს. სწორედ ამიტომ ის გადაწყვეტს ომის დროინდელი პატარა სოფლის მინიატურულ მოდელი ააწყოს, რათა გაიხსენოს ყველა ის ადამიანი, ვინც მასზე იძალადა. გვენდოლინის პერსონაჟი კი მას ამ ყველაფრის გაკეთებაში ეხმარება და ნელ-ნელა ხვდებიან თუ რამხელა ძალა აქვს ადამიანების წარმოსახვის უნარსა და კეთილშობილ სულს.

ფილმი ეკრანზე 2018 წლის 21 ნოემბერს გამოვა.