ყოფილი პრემიერი ბიძინა ივანიშვილი ტექნოლოგიურ პარკში მედიის წარმომადგენლებს ხვდება, სადაც ის მათ კითხვებს პასუხობს და საქართველოს წარსულსა და მომავალზე საუბრობს.

ბიძინა ივანიშვილის თქმით, ქართულმა ოცნებამ ნაციონალურ მოძრაობას მშენებლობებში მნიშვნელოვნად აჯობა:

"პატარა შედარებებს თუ გავაკეთებთ ინფრასტრუქტურულ პროექტებზე თუ მშენებლობებზე ზოგადად ნახავთ რომ ტემპები გაცილებით დიდია, ვიდრე იყო ეს ნაციონალური მოძრაობის მმართველობის დროს, რითაც ისინი ამაყობდნენ და ტრაბახობდნენ".

ბიძინა ივანიშვილმა აღნიშნა, რომ ღია წერილში არ ეწერა ის ციფრები, რომლითაც გამოიხატებოდა ქართული ოცნების უპირატესობა ნაციონალურ მოძრაობასთან მშენებლობებთან დაკავშირებით.

"თბილისში ეს 70%-ით მეტია, ბათუმში 76-ით, საერთოდ საქართველოში 50 პროცენტით მეტია, 56%" - თქვა ყოფილმა პრემიერმა.