ინფორმაციას შინაგან საქმეთა სამინისტრო ავრცელებს.

რატომ არის მნიშვნელოვანი: სამართალდამცავი უწყების ცნობით, ბრალდებული ფინანსური სარგებლის მიღების მიზნით, არასრულწლოვანი გერების შრომით ექსპლუატაციას სისტემატურად ახდენდა.

  • დანაშაული 14-დან 17 წლამდე პატიმრობას ითვალისწინებს.

დეტალები: გამოძიებით დადგინდა, რომ ბრალდებული არასრულწლოვანებს ურნებიდან სხვადასხვა ნივთების შეგროვებას და ჩაბარებას აიძულებდა, გამომუშავებულ თანხას კი სრულად ისაკუთრებდა.

  • იმ შემთხვევაში თუ არასრულწლოვანები არ დაემორჩილებოდნენ მოთხოვნებს, ბრალდებული მათ ფიზიკურად უსწორდებოდა.
  • გამოძიება საქართველოს სისხლის სამართლის კოდექსის 143-ე პრიმა მუხლის მე-3
    ნაწილის გ ქვეპუნქტით მიმდინარეობს.