რატომ არის მნიშვნელოვანი: ჯორჯიან მანგანეზის თანამშრომლები უკვე მე-4 დღეა, რაც პროტესტის ამ ფორმას მიმართავენ.

  • ქუჩაში გამოსული მაღაროელები და მათი ოჯახები ღირსეულ ანაზღაურებასა და შრომის პირობების გაუმჯობესებას ითხოვენ.

დეტალები: ერთ-ერთი გაფიცული ამბობს, რომ პროტესტი დამსაქმებლის მიერ არარეალურმა ახალმა დაგეგმარებამ გამოიწვია.

  • "მიმდინარეობს სპეციალური რეჟიმით მუშაობა, ამ სპეციალური რეჟიმის პირობებში თანახმა ვიყავით, რომ გვემუშავა მაქსიმალურად, მაგრამ სპეციალური რეჟიმის გასვლის შემდეგ ჩვენს დამსაქმებელს უნდა, რომ ვიმუშაოთ არარეალურად იმ გეგმის, რაც გამოიწვევს უამრავ დარღვევას და მიიყვანოს ადამიანი ფიზიკურ დაზიანებამდე".

კომპანიაში აცხადებენ, რომ ფეროშენადნობის ბაზარზე კრიზისის გამო, რამაც პროდუქციაზე მოთხოვნის შემცირება და ფასების მკვეთრი ვარდნა გამოიწვია, მათ წელს პროდუქცია ექსპორტზე არ გაუტანიათ.

  • ამბობენ, რომ თანამშრომლებს შეცვლილ სამუშაო პირობას სთავაზობენ, რათა საქმიანობა არ შეჩერდეს და ჭიათურის 3 382 თანამშრომელი უმუშევარი არ დარჩეს.
  • როგორც აღნიშნავენ, ახალ სამუშაო გრაფიკზე გადასვლა გულისხმობს ადმინისტრაციული ხარჯების შემცირებას;
  • ორცვლიანი 12-საათიანი სამუშაო პირობებიდან სამცვლიან 8-საათიან სამუშაო პირობებზე გადასცლას.
  • ასევე, უცვლელი რჩება თვის მანძილზე თანამშრომლების ხელფასი, დასვენებისა და სამუშაო საათები.