უკვე ტრადიციად იქცა, რომ ნეოგაზი ბავშვთა დაცვის დღეს განსაკუთრებულად აღნიშნავს. წელს მათი ყურადღების ცენტრში, საქართველოს ულამაზეს მხარეში რაჭაში, ონის მუნიციპალიტეტში მდებარე სოფელ ჭიორის საჯარო სკოლის მოსწავლეები მოექცნენ. სკოლაში სულ ხუთი მოსწავლეა და მათი წახალისება განსაკუთრებით მნიშვნელოვანია.

ნეოგაზი 1 ივნისს სწორედ სოფელ ჭიორის სკოლას ეწვია, მათთვის სასურველი და საჭირო სპორტული ინვენტარი, ჩოგბურთის მაგიდა, ბატუტი, წიგნები, პატარებს კი სასკოლო ნივთები და ტკბილეული გადასცა. ეს დღე დაუვიწყარი გახადა სკოლის მასწავლებლებისა და მოსწავლეების გულწრფელი ემოციებით სავსე გულითადმა დახვედრამ.

ფოტო: ნეოგაზი

"უკვე რამდენიმე წელია, ნეოგაზი ბავშვთა დაცვის დღეს სხვადასხვა ღონისძიებებით აღნიშნავს. ბავშვების განათლებაზე, მათ მომავალსა და კეთილდღეობაზე ზრუნვა ყველა ჩვენგანის უპირატესი საზრუნავი უნდა იყოს. 1 ივნისს შევეცადეთ სოფელ ჭიორის სკოლის მოსწავლეები გაგვეხარებინა საჩუქრებითა და ჩვენი ყურადღებით, რაც ცენტრიდან მოშორებით მდებარე მცირერიცხოვან სკოლებს განსაკუთრებით სჭირდებათ", — აცხადებს ნეოგაზის კომერციული სამსახურის ხელმძღვანელი ესმა ჩაჩანიძე.

ნეოგაზი საქართველოს ბაზარზე ერთ-ერთი წამყვანი ბრენდია, რომელიც მომხმარებლებს ეკოლოგიურად სუფთა პროდუქტს სთავაზობს ბუნებრივი და თხევადი აირის სახით. 2023 წლიდან კი ნეოგაზმა მაღალი სტანდარტების დაცვით მომხმარებლებს სადგურებზე დამატებით ბენზინისა და დიზელის საწვავი შესთავაზა. ნეოგაზი საქართველოს მასშტაბით 15 ავტოგასამართ სადგურს ფლობს. დამატებითი ინფორმაციისათვის ეწვიეთ ნეოგაზის ვებგვერდს.