რატომ არის მნიშვნელოვანი: ეს პირველი შემთხვევა არ არის, როცა რუსეთი უკრაინას ირანული კამიკაძე დრონებით ესხმის თავს, თუმცა საჰაერო ძალების განცხადებით, ეს იყო ყველაზე მასშტაბური შეტევა ომის დაწყებიდან დღემდე.

  • უწყების ცნობით, ოკუპანტებმა უკრაინის თავზე 54 უპილოტო საფრენი აპარატი გაუშვეს, საჰაერო თავდაცვის სისტემამ კი 52 მათგანის განადგურება შეძლო.

დეტალები: კიევზე დრონებით თავდასხმას, სულ მცირე, ერთი ადამიანი ემსხვერპლა.

  • "მტერმა გადაწყვიტა, კიეველებს კიევის დღე მომაკვდინებელი უპილოტო საფრენი აპარატებით მიულოცოს. წინასწარი მონაცემებით, ეს იყო დრონების ყველაზე მასშტაბური თავდასხმა კიევზე რუსეთის შემოჭრის დღიდან", — განაცხადა ქალაქის სამხედრო ადმინისტრაციის ხელმძღვანელმა, სერგეი პოპკომ.