ცოტა ხნის წინ ბარბის კიდევ ერთი ტრეილერი გამოქვეყნდა, რომელშიც გრეტა გერვიგის ახალი ფილმიდან რამდენიმე დამაინტრიგებელ სცენას ვხედავთ. ბარბი და კენი ზღაპრული სამყაროდან რეალობაში ინაცვლებენ, საინტერესო ამბები კი სწორედ აქ იწყება!

როგორც ტრეილერში ვხედავთ, ბარბის მთავარ პერსონაჟებს რეალურ სამყაროსთან გამკლავება უჭირთ და მეტიც, ბარბის და კენს დააკავებენ კიდეც. თუ როგორ განვითარდება მოვლენები, ამას სულ მალე ვიხილავთ.

ახალ ტრეილერში ბარბის სხვა პერსონაჟებსაც ცოტათი უფრო უკეთ ვეცნობით. რაც მთავარია, ტრეილერიდან აშკარაა, რომ წინ საოცარი და ფერადი თავგადასავალი გველის, რომელიც კინომოყვარულებს იმედს ნამდვილად არ გაუცრუებს.

ბარბის პრემიერა 21 ივლისს შედგება.