რატომ არის მნიშვნელოვანი: 10 მაისს, ოკუპანტი ქვეყნის პრეზიდენტის, ვლადიმერ პუტინის გადაწყვეტილებით, საქართველოსთან სავიზო რეჟიმი გაუქმდა და ორ ქვეყანას შორის პირდაპირი ფრენები აღდგა.

  • 19 მაისს თბილისის საერთაშორისო აეროპორტში პირველი რუსული თვითმფრინავი, სანქცირებული აზიმუტი დაეშვა.
  • ფრენების წინააღმდეგ აეროპორტში გამართული აქცია აქტივისტების დაკავებით დასრულდა.

დეტალები: ამერიკის სახელმწიფო დეპარტამენტის წარმომადგენელს პრესკონფერენციაზე საქართველო-რუსეთს შორის პირდაპირი ფრენების აღდგენაზე ჰკითხეს.

  • ჟურნალისტმა აღნიშნა ისიც, რომ საქართველოში ლავროვის სანქცირებული შვილი იმყოფებოდა.
  • "სად არის ამერიკა ამ დღეებში? არანაირი რეაქცია? არანაირი სანქცია?" — იკითხა ჟურნალისტმა.
  • დეპარტამენტმა კიდევ ერთხელ დააფიქსირა თავისი შეშფოთება ამ თემაზე და კომპანიების შესაძლო დასანქცირებაზე ისაუბრა.
  • "ეს, შესაძლოა, ნიშნავდეს რომ საქართველოს აეროპორტებში კომპანიები შესაძლოა სანქციების რისკის ქვეშ იყვნენ", — თქვა მან.