დროას ლიდერი გუშინ, ყვარელში, საპროტესტო აქციის დროს დააკავეს.

რატომ არის მნიშვნელოვანი: ხოშტარია თელავში მაშინ დააკავეს, როდესაც უკვე დაკავებულ აქტივისტებთან ადვოკატების შეშვებას ითხოვდა.

  • ყვარელში, სასტუმრო ყვარლის ტბასთან საპროტესტო აქცია დილიდან იმართებოდა. იქ ლავროვის სიძის, ალექსანდრ ვინოკუროვის ძმას, მიკა ვინო, იგივე მოშე ვინოკუროვს ქორწილი უნდა გადაეხადა.
  • ადგილზე მობილიზებულები იყვნენ შინაგან საქმეთა სამინისტროს წარმომადგენლების დიდი რაოდენობა, მათ შორის, ნიღბიანი სამართალდამცავები.
  • ისინი ძალის გამოყენებით აკავებდნენ აქციის მონაწილეებს და ტერიტორიიდან გაჰყავდათ.

დეტალები: ელენე ხოშტარიამ ჟურნალისტებს განუცხადა, რომ გუშინდელი მოქმედებები, რაც ყვარელში მიმდინარეობდა, იყო მოღალატეების მოქმედება იმისთვის, რომ ოკუპანტს ეცეკვა ქვეყანაში.

  • "ისინი გასცდნენ არა მხოლოდ კონსტიტუციას და კანონს, რასაც ხშირად აკეთებენ, შეურაცხყოფა მიაყენეს ყველა ქართველს, ყველა დაღუპულ გმირს, საქართველოს ყველა მოქალაქეს", — თქვა ხოშტარიამ.
  • ამბობს, რომ პოლიციის თანამშრომელს შეგნებულად დაუპირისპირდა, რათა დაკავებულებთან ადვოკატები შეეშვათ.