საქართველოს შინაგან საქმეთა სამინისტრო რუსთავი 2-ის ეთერში გუშინ, 22 ივნისს გასულ სიუჟეტს ეხმიანება. უწყების ინფორმაციით, დავით როსტომაშვილის თავდასხმაში ბრალდებული, ზურაბ ქუთელია თავდასხმამდე რამდენიმე წუთით ადრე სპორტდარბაზ საკემატაში არ იყო.

უწყებაში ამბობენ, რომ გავრცელებულ ვიდეოში არა 14 ივნისი, არამედ 14 აგვისტოა აღნიშნული.

"ყაჩაღობის ფაქტი მოხდა 2017 წლის 14 ივნისს, 15:51 საათზე. სპორტდარბაზში დამონტაჟებული ვიდეოკამერის ჩანაწერში ზურაბ ქ.-ს დარბაზიდან გასვლის ფაქტი დაფიქსირებულია 2017.08.14 (2017 წლის 14 აგვისტო), 15:40 საათზე," - აღნიშნავენ შსს-ში.

იმის მიუხედავად, რომ ტელეკომპანია რუსთავი 2-მა ამავე საქმეში კიდევ ერთი ბრალდებულის გაქცევის შესახებაც ინფორმაცია არაერთხელ გაავრცელა, არც შინაგან საქმეთა სამინისტრო გამოხმაურებია განცხადებით და არც მინისტრმა, გიორგი მღებრიშვილიმა მისცა ტელეკომპანიას კომენტარი.

რუსთავი 2-ის ეთერში ბრალდებულის გაქცევის შესახებ გასული სიუჟეტის შემდეგ On.ge უწყების პრესსამსახურს დაუკავშირდა, თუმცა, მათ კითხვებს არ უპასუხეს.