პროფესორი მომხდარს მის წინააღმდეგ აგორებულ კამპანიას უკავშირებს.

რატომ არის მნიშვნელოვანი: მას შემდეგ რაც ლევან ბერძენიშვილმა მეფე ერეკლეზე ისაუბრა, მის წინააღმდეგ დისკრედიტაციის კამპანია დაიწყო.

  • იყო რამდენიმე შემთხვევაც, როცა მას სიტყვიერი შეურაცხყოფა მიაყენეს, ბერძენიშვილს აკრიტიკებდნენ მმართველი გუნდის წევრებიც.
  • 15 იანვარს, ყვარლის ევრო-ატლანტიკურ ცენტრში პროფესორს პიკეტით დახვდნენ და ლექციის ჩატარების საშუალება არ მისცეს.

დეტალები: ბერძენიშვილის ცოლმა სახლთან პოლიცია გამოიძახა, რის შემდეგაც ნიღბიანებმა ტერიტორია დატოვეს.

  • "აქ ყოფილა, დაახლოებით, 15-20 ადამიანი, ფიზიკურად კარგად მომზადებული, შესაბამისი ნიღბებითა და ეკიპირებით. მე თვითონ არ მინახავს, გზაში ვიყავი. მე გამაფრთხილეს", — ამბობს პროფესორი ჟურნალისტებთან.
  • იგი ვარაუდობს, რომ ამ ადამიანების მიზანი მის წინააღმდეგ ფიზიკური ანგარიშსწორება იყო.
  • "ეს უკვე მერამდენე შემთხვევაა. ხან შემთხვევით მოქალაქე შემხვდება და რაღაცას მეტყვის და ხან რა. ამჟამად მოვდიოდი კავკასიის უნივერსიტეტიდან, დამირეკეს ოჯახიდან, აქ არიან აგრესიულად განწყობილი [პირები]. არაფერ უთქვამთ, იღიმებოდნენ, მაგრამ, ეტყობოდათ, კუნთებზე იყურებოდნენ", — ჰყვება ბერძენიშვილი.
  • მისივე თქმით, მომხდარი უკავშირდება დისკრედიტაციის ახალ კამპანიას, თითქოს, 2013 წელს ხევსურებს შეურაცხყოფა მიაყენა.