სამი ოსკარის მფლობელი ლეგენდარული მსახიობი დენიელ დეი ლუისი კინოდან მიდის.

ინფორმაცია პრესას ლუისის პრესმდივანმა მიაწოდა.

"დენიელი კინოდან მიდის, ის უარს ამბობს მსახიობობაზე. ის მადლობელია ყველა იმ ადამიანის ვისთან ერთადაც მან წლების განმავლობაში იმუშავა. ეს მისი პირადი გადაწყვეტილებაა და ამ თემაზე მეტ კომენტარს აღარ გააკეთებს", თქვა ლუისის პრესმდივანმა ლესლი დარტმა.

60 წლის ლუისმა საკუთარი კარიერის განმავლობაში არაერთი საინტერესო როლი შექმნა, იყო პრეზიდენტიც, მწერალიც, ბანდის მეთაურიც, რომანტიკოსიც და მკვლელიც.

დენიელ დეი ლუისის ბოლო სამსახიობო ნამუშევარი ეკრანზე 2018 წლის თებერვალს გამოვა. პოლ თომას ანდერსონის ფილმში, Phantom Thread, ის მთავარ როლს ასრულებს.