ინფორმაციას უფლებადაცვითი ცენტრი მემორიალი ავრცელებს.

რატომ არის მნიშვნელოვანი: ორგანიზაციის ცნობით, მოსკოვში მცხოვრები ოლგა სლეგინა "ჯარის დისკრედიტაციის" მუხლით გაასამართლეს.

  • პენსიონერს ბრალი ედება იმაში, რომ 2022 წლის დეკემბერში სანატორიუმში დასვენებისას საჯაროს დაუჭირა მხარი უკრაინასა და უკრაინის ხელისუფლებას.
  • მათივე ცნობით, დაკითხვისას ქალს ხელი მოაწერინეს დასკვნაზე, რომელშიც მისი სიტყვები შეცვლილი იყო.
  • ადვოკატის ცნობით, ქალმა მხედველობის პრობლემების გამო პროტოკოლის წაკითხვა ვერ შეძლო.

დეტალები: კერძოდ, სლეგინამ თქვა, რომ ზელენსკი სიმპათიური ახალგაზრდაა კარგი იუმორის გრძნობით, რომლის ხუმრობებზეც ადრე ყველა იცინოდა.

  • 27 დეკემბრის ღამის 12 საათზე მის ოთახში სამოქალაქო ტანსაცმელში გამოწყობილი კაცი მივიდა და აჩვენა დოკუმენტი, რომლის მიხედვითაც ის პოლიციასთან სამმა ადამიანმა დაასმინა.
  • დოკუმენტში მითითებული იყო, რომ ქალმა "ზელენსკი შეაქო", ხოლო სლეგინას რეპლიკაზე, რომ საუბარი მხოლოდ უკრაინის პრეზიდენტის გარეგნობაზე იყო, პოლიციელმა უთხრა: "თქვენ არ გაქვთ უფლება შეაქოთ, რადგან ის ჩვენი მტერია".
  • ქალი განყოფილებაში გადაიყვანეს, მოგვიანებით კი "არმიის დისკრედიტაციის" მუხლით დამნაშავედ ცნეს.