რატომ არის მნიშვნელოვანი: დიდი ბრიტანეთის, აშშ-ის, კანადის, იაპონიისა და საფრანგეთის ალიანსის მიზანი ენერგიის საერთაშორისო ბაზრიდან რუსეთის განდევნა და რუსულ საწვავზე დამოკიდებულების შემცირებაა.

  • ქვეყნები იმედოვნებენ, რომ ენერგოსექტორზე ძალაუფლების დაკარგვა რუსეთს უკრაინის წინააღმდეგ ომის დაფინანსების მნიშვნელოვან წყაროს წაართმევს.

დეტალები: ბირთვული საწვავის მიწოდების საერთო ჯაჭვისთვის ალიანსის შექმნაზე განცხადება 16 აპრილს, დიდი შვიდეულის (G7-ის) შეხვედრაზე, ჩრდილოეთ იაპონიის ქალაქ საპოროში გაკეთდა.

  • "თითოეული ქვეყანა გამოიყენებს სამოქალაქო ბირთვული ენერგეტიკის სექტორის შესაბამის რესურსებსა და შესაძლებლობებს, რათა შეარყიოს რუსეთის ძალაუფლება მიწოდების ჯაჭვებზე", — ნათქვამია ბრიტანეთის ენერგეტიკული უსაფრთხოების დეპარტამენტის განცხადებაში.