შემთხვევა კენტუკის შტატში, ლუისვილში მოხდა.

რა მოხდა: თავდამსხმელი ქალაქის ძველ ეროვნულ ბანკში შეიჭრა, ადგილობრივი დროით 08:30 საათზე.

  • იგი იმ ბანკის თანამშრომელი იყო, სადაც ცეცხლი გახსნა და 5 ადამიანი იმსხვერპლა. თავდასხმიდან 3 წუთში, პოლიციამ კაცი სასიკვდილოდ დაჭრა.
  • ლუისვილის მერმა, კრეიგ გრინბერგმა თავდასხმას "მიზანმიმართული ძალადობის ბოროტი აქტი" უწოდა.
  • ეჭვმიტანილად დასახელდა 25 წლის კონორ სტურჯენი, რომელმაც პოლიციის თქმით, ინციდენტის დროს გამოიყენა AR-15 ტიპის ნახევრად ავტომატური შაშხანა და სროლა პირდაპირ ეთერში გადასცა.
  • მედიის ინფორმაციით, თავდამსხმელი თავად მუშაობდა ეროვნულ ბანკში და სამართალდამცავებთან არანაირი შეხება არ ჰქონია. ვრცელდება ინფორმაცია, რომ მას სამსახურიდან გათავისუფლების შესახებ აცნობეს, რის შემდეგაც მასობრივი თავდასხმა დაგეგმა.
  • ინსტაგრამის მფლობელმა მეტამ თქვა, რომ "ტრაგიკული ინციდენტის პირდაპირი ტრანსლაცია სწრაფად წაშალა".

რატომ არის მნიშვნელოვანი: კენტუკი არის აშშ-ს 26 შტატიდან ერთ-ერთი, რომელიც 21 წელზე უფროსი ასაკის მოზარდების უმეტესობას უფლებას აძლევს შეიძინოს და ატაროს ცეცხლსასროლი იარაღი ლიცენზიის გარეშე.

  • პრეზიდენტმა ბაიდენმა კონგრესს მოსთხოვა იარაღის კონტროლის ზომები მიეღო.
  • მან ორშაბათს ტვიტერში დაწერა: "ძალიან ბევრი ამერიკელი იხდის უმოქმედობის ფასს თავისი ცხოვრებით".