დააპურე თათებიანი მეგობარი — როგორ ზრუნავს ვინტილატორი უსახლკარო ცხოველებზე და როგორ შეგიძლია იგივე შენც
"მოდი და ნახე, როგორ ვუბერავთ", — მითხრა შოკო ჩაჩუამ ცოტა ხნის წინ, როცა ჯერ კიდევ ონლაინ ვეცნობოდით ერთმანეთს და მიყვებოდა თავის ვინტაჟურ, ეკომეგობრულ მაღაზიაზე, ვინტილატორზე, რომელიც თბილისის ფერად, თან ძველ და თან ახალ უბანში, ნინოშვილის 10 ნომერში, ფაბრიკასთან დგას. ვინტილატორი არაა მორიგი სავაჭრო ობიექტი, რომელიც სიჭრელით იზიდავს "ძველზმანების" მაძიებლებს, არამედ ესაა ადგილი საკუთარი ღირებულებებით — სივრცე, რომელში შესვლისთანავე ხვდები, რატომ ან როგორ უნდა ცხოვრობდე ბუნებასთან ჰარმონიაში.
"სიყვარული ბრუნვადია და ცირკულარულიო", — ამბობს ცხოველებისა და გარემოს კეთილდღეობაზე მზრუნველი შოკო, ცირკულარული ეკონომიკის და მდგრადი განვითარების ნამდვილი ელჩი და მაღაზიაში მისულს ჭერზე ჩამოკიდებულ მუყაოს ფერად-ფერად მბრუნავ გულებს მაჩვენებს, თან მიხსნის, როგორ ყიდიან ამ სიმბოლურ ნივთებს და როგორ იყენებენ შემოწირულებას ცხოველების საკვებისთვის. იქვე კრუტუნებენ და იზმორებიან ფისოები, სახელად რთველი და პუკი, რომლებიც თავს მშვენივრად გრძნობენ უცხო ადამიანების გარემოცვაშიც კი. ეტყობათ, რომ დიდი ხანია, მათზე ზრუნავენ, უყვართ და ეფერებიან.
ფოტო: ვინტილატორი
აი იმ ცხოველებისთვის კი, ვისაც მზრუნველობა ნამდვილად აკლია, ვინტილატორს ახალი პროდუქტი აქვს — პრაქტიკული, ფერადი სტაციონარი, რომლითაც უსახლკარო თათებიან მეგობრებს დააპურებთ. სტაციონარი მილის მსგავსია, მომრგვალებული ძირით და თავსახურით, მყარად ემაგრება ბოძს ან კედელს და ცხოველებს საშუალებას აძლევს, სულ ცმაცუნ-ცმაცუნით მიირთვან სურნელოვანი მშრალი საკვები ან ქუჩაში ყოფნით დაქანცულები, წყალს დაეწაფონ.
ფოტო: ვინტილატორი
4 აპრილი, უსახლკაროდ დარჩენილი ცხოველების საერთაშორისო დღე, სწორედ ამ ამბავზე ნათლის მოფენას დაეთმო — ვინტილატორმა, თავის მოძმე CATMooD-თან ერთად, უსახლკარო ცხოველების საკვები სტაციონარების გამოფენა-გაყიდვა გადაწყვიტა.
"უსაყვარლეს და ფერად სტაციონარებს დაგიმზადებთ და ფასნამატების გარეშე ჩაგახუტებთ, იეფში და კაი საქმისთვის! არ აქვს მნიშვნელობა, პატარა ბიზნესი ხარ თუ დიდი, დედამიწელი თუ მარსიანელი, ერთი სტაციონარის საკვებით მუდმივად შევსება შენც შეგიძლია! თან დანადგარები ლამაზია, შეიფერება სურვილისამებრ და დასაყენებლადაც ძალიან იოლია", — ვკითხულობთ ღონისძიების მოსაწვევში.
გამოფენა-გაყიდვაზე, სადაც გარემოსა და ცხოველებზე ზრუნვის სურვილით თავმოყრილ ბევრ უცნობსა თუ ნაცნობს შევხვდი, CATmooD-ის საწოლები იყო წარმოდგენილი, კომფორტული ფერადი საფარითა და სამგზავრო თუ სახლური ვერსიებით, რომელსაც, ალბათ, ვერცერთი ცუგა ან ფისო დაიწუნებდა დედამიწის ზურგზე.
ფოტო: CATMood
სტაციონარი კი, რომელზეც ზემოთ გიამბობდით, კვლავ ხელმისაწვდომია ვინტილატორში ყველა დაინტერესებულისთვის — მათთვის, ვისაც სურს, ოფისის თუ სახლის მახლობლად, ქუჩაში მცხოვრებ ცხოველებს უსაფრთხოდ მიაწოდოს საკვები და წყალი და სულ ცოტათი მაინც შეუმსუბუქოს ცხოვრება ღია ცის ქვეშ. ინიციატივას უკვე შეუერთდა არაერთი ბიზნესი და არტისტი, რომელთა სია მალე გამოქვეყნდება.
ფოტო: ვინტილატორი
ფოტო: ვინტილატორი
ხოლო ვინტილატორი, რომელიც 2018 წლიდან ვინტაჟური ნივთების შექმნასა და გავრცელების პარალელურად, გარემოსდაცვით აქტივისტურ საქმიანობასაც ითავსებს, მომავალშიც "შეუბერავს" სხვადასხვაგვარ ინიციატივას ყველაზე დაუცველებისთვის, ცხოველებისთვის, რომლებსაც ასე სჭირდებათ ზრუნვა და სიყვარული.
-
გადახედვაზენდეია მუსიკის ინდუსტრიაში დაბრუნებას არ გამორიცხავს ზენდეია მუსიკის ინდუსტრიაში დაბრუნებას არ გამორიცხავს
-
გადახედვასალომე სამადაშვილი: საქართველოს საგარეო საქმეთა მინისტრს ბრიუსელში უკანასკნელ გაფრთხილებას მისცემენ სალომე სამადაშვილი: საქართველოს საგარეო საქმეთა მინისტრს ბრიუსელში უკანასკნელ გაფრთხილებას მისცემენ
-
გადახედვაანრი ოხანაშვილმა კომიტეტის სხდომის დარბაზი სალომე სამადაშვილს და თამარ კორძაიასაც დაატოვებინა ანრი ოხანაშვილმა კომიტეტის სხდომის დარბაზი სალომე სამადაშვილს და თამარ კორძაიასაც დაატოვებინა
-
გადახედვაალექსი პეტრიაშვილს ფიზიკური დაზიანებები არ აღენიშნება, ის დროებითი დაკავების იზოლატორშია — სახალხო დამცველის აპარატი ალექსი პეტრიაშვილს ფიზიკური დაზიანებები არ აღენიშნება, ის დროებითი დაკავების იზოლატორშია — სახალხო დამცველის აპარატი
-
გადახედვაქართველი დიპლომატები საზოგადოებას: მოგიწოდებთ - დადგეთ იქ, სადაც დღეს თქვენი შვილები დგანან! ქართველი დიპლომატები საზოგადოებას: მოგიწოდებთ - დადგეთ იქ, სადაც დღეს თქვენი შვილები დგანან!
-
გადახედვარუსული კანონის საკომიტეტო განხილვა კამათის ფონზე მიმდინარეობს — ანრი ოხანაშვილმა გიორგი ვაშაძე და ლევან ბეჟაშვილი დარბაზიდან გააძევა რუსული კანონის საკომიტეტო განხილვა კამათის ფონზე მიმდინარეობს — ანრი ოხანაშვილმა გიორგი ვაშაძე და ლევან ბეჟაშვილი დარბაზიდან გააძევა
-
გადახედვაპარლამენტში უსაფრთხოების ყვითელი დონე მოქმედებს, ონლაინმედიის წარმომადგენლებს შენობაში კვლავ არ გვიშვებენ პარლამენტში უსაფრთხოების ყვითელი დონე მოქმედებს, ონლაინმედიის წარმომადგენლებს შენობაში კვლავ არ გვიშვებენ
-
გადახედვა28 აპრილს აქციაზე, 23 საათისთვის, დაახლოებით 100 000 ადამიანი იყო — აგიხსნით, როგორ დავთვალეთ 28 აპრილს აქციაზე, 23 საათისთვის, დაახლოებით 100 000 ადამიანი იყო — აგიხსნით, როგორ დავთვალეთ
-
გადახედვალომჯარია მერიის განცხადებაზე: რა “არასანქცირებული” მიტინგი?! ასეთი ტერმინი მხოლოდ რუსეთს აქვს ლომჯარია მერიის განცხადებაზე: რა “არასანქცირებული” მიტინგი?! ასეთი ტერმინი მხოლოდ რუსეთს აქვს
-
გადახედვააქციაზე ალექსი პეტრიაშვილი დააკავეს აქციაზე ალექსი პეტრიაშვილი დააკავეს
-
გადახედვაგანცხადება: საქართველოს სახალხო დამცველის დაკვირვებით, ამ ეტაპზე, არ არსებობს შეკრების შეწყვეტის წინაპირობა და აქცია ატარებს მშვიდობიან ხასიათს განცხადება: საქართველოს სახალხო დამცველის დაკვირვებით, ამ ეტაპზე, არ არსებობს შეკრების შეწყვეტის წინაპირობა და აქცია ატარებს მშვიდობიან ხასიათს
-
გადახედვასაია: არ არსებობს მშვიდობიანი აქციის დაშლის კანონისმიერი წინაპირობა საია: არ არსებობს მშვიდობიანი აქციის დაშლის კანონისმიერი წინაპირობა
-
გადახედვათბილისის მერია აცხადებს, რომ რუსული კანონის საწინააღმდეგო აქცია არასანქცირებულია თბილისის მერია აცხადებს, რომ რუსული კანონის საწინააღმდეგო აქცია არასანქცირებულია
-
გადახედვაწიწაკის სპრეის გამოყენების გამო, აქციის მონაწილეების ნაწილი შეუძლოდ გახდა წიწაკის სპრეის გამოყენების გამო, აქციის მონაწილეების ნაწილი შეუძლოდ გახდა
-
გადახედვაშსს კიდევ ერთ განცხადებას ავრცელებს შსს კიდევ ერთ განცხადებას ავრცელებს
-
გადახედვარუსთაველზე დაძაბულობაა — მობილიზებულია სპეცრაზმი და წყლის ჭავლის მანქანა რუსთაველზე დაძაბულობაა — მობილიზებულია სპეცრაზმი და წყლის ჭავლის მანქანა
-
გადახედვაშსს აქციასთან დაკავშირებით განცხადებას ავრცელებს შსს აქციასთან დაკავშირებით განცხადებას ავრცელებს
-
გადახედვაპარლამენტთან ვითარება დაიძაბა — აქციის მონაწილეები ცდილობენ, საქართველოსა და ევროკავშირის დროშებით სცენაზე ავიდნენ პარლამენტთან ვითარება დაიძაბა — აქციის მონაწილეები ცდილობენ, საქართველოსა და ევროკავშირის დროშებით სცენაზე ავიდნენ
-
გადახედვარუსთაველის გამზირზე მრავალრიცხოვანი მსვლელობა გრძელდება — მოქალაქეები პარლამენტის შენობას, სიმბოლურად, წრეს არტყამენ რუსთაველის გამზირზე მრავალრიცხოვანი მსვლელობა გრძელდება — მოქალაქეები პარლამენტის შენობას, სიმბოლურად, წრეს არტყამენ
-
გადახედვამშვიდობიანი აქციის მონაწილეები, რესპუბლიკის მოედნიდან, პარლამენტისკენ დაიძრნენ მშვიდობიანი აქციის მონაწილეები, რესპუბლიკის მოედნიდან, პარლამენტისკენ დაიძრნენ
-
გადახედვაპროვოკაციების თავიდან აცილების მიზნით, აუცილებელია ხვალინდელი საკომიტეტო მოსმენის გადადება — ენმ და სტრატეგია აღმაშენებელი პროვოკაციების თავიდან აცილების მიზნით, აუცილებელია ხვალინდელი საკომიტეტო მოსმენის გადადება — ენმ და სტრატეგია აღმაშენებელი
კომენტარები