ამის შესახებ დიმიტრი გვრიტიშვილმა ჟურნალისტებთან ისაუბრა.

რატომ არის მნიშვნელოვანი: აშშ-ის სახელმწიფო დეპარტამენტმა ლევან მურუსიძე, მიხეილ ჩინჩალაძე, ირაკლი შენგელია და ვალერიან ცერცვაძე დაასანქცირა.

  • სახელმწიფო დეპარტამენტის განცხადებით, მათ ბოროტად გამოიყენეს თანამდებობა, როგორც სასამართლოს თავმჯდომარეებმა და იუსტიციის უმაღლესი საბჭოს წევრებმა.
  • განცხადებაში აღნიშნულია, რომ მოსამართლეები "მნიშვნელოვან კორუფციულ საქმიანობაში ჩართულობის გამო" სანქცირდებიან.

დეტალები: გვრიტიშვილის ცნობით, პრემიერთან შეხვედრას იმიტომ ითხოვენ, რომ ის ქვეყნის უმაღლესი თანამდებობის პირია და პასუხისმგებელია სახელმწიფო სუვერენიტეტის დაცვასა და უსაფრთხოებაზე.

  • "უსაფრთხოების დაცვის ერთ-ერთი კომპონენტი უდაოდ არის, სასამართლო ხელისუფლება დამოუკიდებელი სასამართლო ხელისუფლება, რომელიც არის დემოკრატიის ქვაკუთხედი, ესაა ყველა დონეზე აღიარებული ჭეშმარიტება", — თქვა გვრიტიშვილმა.
  • პრემიერმინისტრს, როგორც ქვეყანაში უსაფრთხოებაზე პასუხისმგებელ პირს მიმართეს, რომ მოუსმინოს მოსამართლეებს, რადგან გვრიტიშვილის თქმით, აქვთ გარკვეული ინფორმაციები, ფაქტები, რომლებსაც მიაწვდიან და შემდგომ რეაგირებას დაელოდებიან.
  • გვრიტიშვილის თქმით, ილია დარჩიაშვილის წერილი პირველი ნაბიჯია საქართველოს მთავრობისგან, რომლითაც მოსთხოვეს კონკრეტული მტკიცებულებების წარმოდგენა.
  • "როდესაც შენს პარტნიორ სახელმწიფოდ აღიარებულ ქვეყანაში მოქმედ მოსამართლეს ამ უმძიმესი ბრალდებით ასანქცირებ ამისთვის საჭიროა მყარი ფაქტობრივი საფუძველი, დადასტურებული მტკიცებულებებით", — თქვა გვრიტიშვილმა.
  • ამბობს, რომ საქართველოს მთავრობამ პირველი რეაგირება ამით მოახდინა.