საქართველოში გვიან ღამით ორდღიანი ოფიციალური ვიზიტით გერმანიის ფედერაციული რესპუბლიკის საგარეო საქმეთა მინისტრი, ანალენა ბერბოკი ჩამოვიდა.

რა მოხდა აეროპორტში: ანალენა ბერბოკის თვითმფრინავის მეორე მცდელობაზე დაეშვა.

  • გერმანული გამოცემის, Spiegel-ის ცნობით, მიზეზი ის იყო, რომ ასაფრენ ბილიკზე სხვა თვითმფრინავი იყო, რომელიც სამთავრობო თვითმფრინავის დაჯდომას ხელს უშლიდა.
  • საქაერონავიგაცია ადასტურებს, რომ თვითმფრინავი მეორე მცდელობისას დაეშვა, თუმცა უარყოფს გამოცემის ინფორმაციას და ამბობს, რომ ეს სრულად პილოტის გადაწყვეტილება იყო.
  • "ეკიპაჟის გადაწყვეტილებით მეორე წრეზე წასვლა დაფრენისას არის აპრობირებული ნორმალური პრაქტიკა სამოქალაქო ავიაციაში და ინციდენტად არ ითვლება", — ვკითხულობთ განცხადებაში.

ბერბოკს აეროპორტში არა საგარეო საქმეთა მინისტრი, არამედ მისი მოადგილე ხათუნა თოთლაძე დახვდა. უწყების ინფორმაციით, ილია დარჩიაშვილი 23 მარტს ოფიციალური ვიზიტით ბრიუსელში იმყოფებოდა.

  • გავრცელებულ ფოტოზე ჩანს, რომ აეროპორტში ბერბოკის ჩამოსვლის დროს ევროკავშირის დროშა არ აღუმართავთ და მხოლოდ გერმანიისა და საქართველოსია.
  • "ორმხრივი ვიზიტის დროს იკიდება მხოლოდ ორი დროშა, სტუმარი ქვეყნის და მასპინძელი ქვეყნის", — უთხრეს On.ge-ს საგარეო საქმეთა სამინისტროში.

რატომ არის მნიშვნელოვანი: ბერბოკმა ჩამოსვლამდე თქვა, რომ ხედავს საქართველოს პროევროპული კურსიდან გადახვევის მცდელობებს.

  • მის ამ განცხადებას ქართულ ოცნებაში უპასუხეს — თბილისის მერს ჰგონია, რომ მინისტრი რეალობას აცდენილია.
  • რას შეეხება ქართული ოცნების თავმჯდომარეს, აცხადებს, რომ დაბრკოლებები იქმნება რადიკალური ოპოზიციის მხრიდან.

ვიზიტის დაწყებისას პირველი შეხვედრა ბერბოკმა არასამთავრობო ორგანიზაციებთან გამართა.

  • "შეხვედრისას, გავაცანით ქვეყანაში არსებულ მდგომარეობა ადამიანის უფლებების დაცვის თვალსაზრისით და ხაზი გავუსვით, რამდენად მნიშვნელოვანია საქართველოსათვის კანდიდატის სტატუსის მინიჭება", — ამბობენ NGO-ები.