საჩივარი ორშაბათს ღამით დელავერის კანცელარიის სასამართლოში რამდენიმე საპენსიო და საინვესტიციო ფონდმა შეიტანა, რომლებიც Meta-ს აქციებს ფლობენ.

რატომ არის მნიშვნელოვანი: საჩივარი მარკ ცუკერბერგს და მეტას ადანაშაულებს, რომ მათ ვერ აღკვეთეს Facebook-სა და Instagram-ზე სექსუალური ტრეფიკინგი და ბავშვთა სექსუალური ექსპლუატაცია.

  • ასევე, საჩივარში ნათქვამია, რომ მეტას ხელმძღვანელობამ და საბჭომ ვერ დაიცვა კომპანიისა და აქციონერების ინტერესები კრიმინალური აქტივობის "სისტემურ მტკიცებულებებზე" თვალის დახუჭვის გამო.
  • მეტა სარჩელის საფუძველს უარყოფს.

დეტალები: მომჩივანი მხარე თვლის, რომ კომპანიის საბჭომ ვერ შეძლო აეხსნა როგორ ცდილობს ტეფიკინგის პრობლემის აღმოფხვრას.

  • "ერთადერთი ლოგიკური დასკვნა არის ის, რომ საბჭომ შეგნებულად გადაწყვიტა დაუშვას მეტას პლატფორმებზე სექსის/ადამიანის ტრეფიკინგის ხელშეწყობა", — ნათქვამია საჩივარში.
  • "ამ სარჩელში არსებული პრეტენზიები არასწორად წარმოაჩენს ჩვენს ძალისხმევას ამ ტიპის აქტივობებთან საბრძოლველად. ჩვენი მიზანია ხელი შევუშალოთ ადამიანებს, რომლებიც ცდილობენ სხვების ექსპლუატაციას, გამოიყენონ ჩვენი პლატფორმა", — აცხადებენ მეტაში.