რა ძალა აქვს პუტინის დაკავების ორდერს
![](http://chandler.on.ge/2022/12/06/3000.jpeg)
ფოტო: AP News
0
წაკითხვა
0
კომენტარი
0
გაზიარება
დღეს ცნობილი გახდა საერთაშორისო სისხლის სამართლის სასამართლოს გადაწყვეტილების შესახებ, რომელმაც რუსეთის პრეზიდენტზე და რუსეთში ბავშვთა უფლების კომისარზე დაკავების ორდერები გასცა.
რატომ არის მნიშვნელოვანი: ორდერს საფუძვლად უდევს უკრაინაში წამოწყებული სრულმასშტაბიანი ომი.
- სასამართლო ომის დანაშაულების ჩადენის გამო რუსეთის პრეზიდენტს ინდივიდუალურ სისხლის სამართლის პასუხისმგებლობას აკისრებს.
- "ვლადიმერ ვლადიმროვიჩ პუტინი, დაბადებული 1952 წლის 7 ოქტომბერს, სავარაუდოდ პასუხისმგებელია ომის დანაშაულზე, მოსახლეობის (ბავშვების) უკანონო დეპორტაციაზე და მოსახლეობის (ბავშვების) უკანონო გადაყვანაზე უკრაინის ოკუპირებული ტერიტორიებიდან რუსეთში", — ნათქვამია განცხადებაში.
დეტალები: ჯონათან ლიდერ მეინარდი, ლონდონის კინგს კოლეჯის საერთაშორისო პოლიტიკის ლექტორი, ამბობს, რომ ნაკლებად სავარაუდოა რომ მოკლევადიან პერსპექტივაში სასამართლოს გადაწყვეტილებამ პუტინი დიდად შეაშფოთოს.
- "ICC ეყრდნობა მთავრობების თანამშრომლობას ხალხის რეალურად დასაპატიმრებლად და რუსეთის მთავრობა აშკარად არ აპირებს ამ კუთხით თანამშრომლობას, ასევე, ის არც რომის სტატუტის ხელმომწერია", — განაცხადა მან.
- თუმცა, პოლიტოლოგის შეფასებით, ამან შესაძლოა პუტინს შემდგომი გართულებები შეუქმნას, როცა მსოფლიოში გადაადგილებას მოისურვებს ან მისი ხელისუფლება შეიცვლება.
- პუტინს გაუჭირდება მოგზაურობა იმ ქვეყნებში, რომლებიც ICC-ისთან არიან კავშირში.
- Human Rights Watch-ის თქმით, ორდერები "აგზავნის მკაფიო მესიჯს, რომ სერიოზული დანაშაულის ჩასადენად ბრძანების გაცემამ შეიძლება ჰააგის ციხის საკანში მოხვედრა გამოიწვიოს".
- პუტინის პრესსპიკერმა სასამართლოს გადაწყვეტილებას აღმაშფოთებელი და მიუღებელი უწოდა და ხაზი გაუსვა ფაქტს, რომ რუსეთი რამდენიმე სხვა სახელმწიფოსთან ერთად, არ ცნობს ამ სასამართლოს იურისდიქციას.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები