გია გაჩეჩილაძე ე.წ. უცნობი, რომელიც ხელისუფლებასთან დაახლოებული პირია ცდილობს პრორუსული, პროპაგანდისტული ნარატივი გაატაროს.

რატომ არის მნიშვნელოვანი: 1989 წლის 9 აპრილს საბჭოთა არმიამ საქართველოში მშვიდობიანი მიტინგი დაარბია.

  • აქციის დარბევისას საბჭოთა ჯარმა გამოიყენა მომწამვლავი ქიმიური საშუალებები, ცეცხლსასროლი იარაღი, სასანგრე ბარები, ჯავშანტრანსპორტიორები და ტანკები.
  • ასობით ადამიანი დასახიჩრდა, დემონსტრანტების დიდი ნაწილი მოიწამლა. უცნობია დაზარალებულების ზუსტი რიცხვი და ასევე, რა ზიანი მიადგა მათ ჯანმრთელობას.
  • რუსული ჯარის მიერ თბილისში 21 ადამიანის მოკვლამ საყოველთაო დაუმორჩილებლობა გამოიწვია, რაც საბოლოოდ, საქართველოს დამოუკიდებლობის აღდგენით დასრულდა.

დეტალები: გაჩეჩილაძე საკუთარ გადაცემაში, რომელიც სახელმწიფოსთან აფილირებულ არხზე, მაესტროზე გადის რუსული კანონის საწინააღმდეგო აქცია განიხილა.

  • გადაცემის შესავალში, სანამ სტუმარს, ზაზა პაპუაშვილს წარადგენდა ისაუბრა 9 აპრილზეც.
  • საქართველოს ისტორიაში ერთ-ერთ ყველაზე მნიშვნელოვან დღეზე საუბარი ასე დაიწყო: "მე და ზაზა პაპუაშვილი იმ აივანზე ვიდექით, სადაც იწყებოდა ეს ყველაფერი 89 წელს, 9 აპრილი და გულზე მჯიღებს ვიცემდით და გვეგონა, რომ საქართველოს მომავალს ვემსახურებოდით, თავისუფლებას, თურმე შეცდომაში ვიყავით შეყვანილები".
  • ამაზე არ გაჩერდა და სცადა "აეხსნა" რატომ ახსენა "შეცდომა".
  • პროპაგანდისტული ნარატივით გაჯერებული "არგუმენტები" გამოიყენა და თქვა, რომ "საბჭოთა კავშირი მაინც იშლებოდა" და "პატრიარქისთვის უნდა დაგვეჯერებინა".
  • ცდილობდა არასწორი ინტერპრეტაცია მოახდინა და თავისუფლებისთვის ბრძოლა ისე შეფუთოს, თითქოს, რომ არა 9 აპრილი, არ მოხდებოდა, პირველი ხელისუფლების "ასეთი ვანდალური შეცვლა", თბილისის ომი და არც შემდეგ განვითარებული მოვლენები.
  • "ნორმალურად განვვითარდებოდით, ნორმალურად გავაგრძელებდით" — ფიქრობს გაჩეჩილაძეს, რომელიც ვერ იაზრებს, რამდენად დიდი მნიშვნელობა ჰქონდა 9 აპრილის ეროვნულ-განმათავისუფლებელი მოძრაობისთვის.

9 აპრილის შესახებ გაიგე მეტი: