ამის შესახებ პარლამენტის თავმჯდომარემ იმედი ლაივის ეთერში ისაუბრა.

რატომ არის მნიშვნელოვანი: მაშინ, როცა რუსთაველსა და პარლამენტის მიმდებარე ტერიტორიაზე სპეციალური დანაყოფის რაზმი მშვიდობიან აქციას წყლის ჭავლით, წიწაკის სპრეითა და ცრემლსადენი გაზით შლის, პაპუაშვილი ამბობს, რომ საქართველოს ხელისუფლება ზრუნავს მოქალაქეებზე.

  • თქვა, რომ რადიკალური ოპოზიცია თავისი განცხადებებით და გეგმებით სიტუაციის გამწვავებას ცდილობს.

დეტალები: პაპუაშვილის განმარტებით, მანიპულაციაა, რომ პირველ მოსმენას რაიმე გადამწყვეტი მნიშვნელობა აქვს კანონის მიღების კუთხით, მეორე და მესამე მოსმენა ჯერ კიდევ წინ არის.

  • "ჩვენ ვნახეთ, რომ ჯერ კიდევ დაუწერელ კანონს დაარქვეს რუსული, ისე რომ შინაარსი არც კი იყო ფურცელზე გადატანილი, უკვე ეძახდნენ რუსულს და ეს იყო პირდაპირ სიგნალი, რომ ეს იყო პროპაგანდისტული ხაზი", — თქვა პაპუაშვილმა.