გერმანიის საერთაშორისო თანამშრომლობის საზოგადოების (GIZ) დაფინანსებითა და თბილისის მერიის კეთილმოწყობის სამსახურის მხარდაჭერით, თბილისის ზოოპარკის დატბორილი და დაზიანებული შენობების ფასადებს სხვადასხვა ფერად შეღებავენ და ცხოველებს მიახატავენ.

ზოოპარკის ადმინისტრაციის ინფორმაციით, იდეა იმიტომ გაჩნდა, რომ, 13 ივნისის სტიქიის შემდეგ, მაგისტრალის მხრიდან ზოოპარკის შენობები ძალიან სევდიანად გამოიყურებოდა:

"როცა ფასადების მოხატვის იდეა გაჩნდა, დიდხანს აღარ გვიფიქრია. მაშინვე შეუდგა ჩვენი დიზაინერი საქმეს და ესკიზებიც მალევე გამოაცხო. ნახატების შექმნის პროცესში კედლებზე თითქოს თავისთავად აცოცდნენ ჩვენი საყვარელი ოთხფეხა მეგობრები - კონდიციონერზე აფოფხებული ნუცა დათვიც აქაა, სალიმაც, ჩვენი უსურიის ვეფხვი, მძინარა მილკბილაც, ასე რომ უყვარდა ყველას. ბეგი თუ დავხატეთ? აბა, ბეგის გარეშე როგორ გავფრინდებოდით? ნახატები თითქოს აცოცხლებს იმას, რაც გამოვიარეთ, ოღონდ, აცოცხლებს მძიმე დრამატიზმის გარეშე".

ზოოპარკის ადმინისტრაციის განმარტებით, კედლების მოხატვაში ახალგაზრდა სტრით-არტერები იღებენ მონაწილეობას. მათ შორის არიან: Wise one, Chil one, Smog one, Enso, Jokonda, Tor, Creck, Chertov.

ზოოპარკის წარმომადგენლებს იმედი აქვთ, რომ კედლების მოხატვას 13 ივნისისთვის დაასრულებენ.

ასეთი იქნება ზოოპარკის შენობის ფასადები მას შემდეგ, რაც მათზე ფერად ცხოველებს მიახატავენ.

ფოტო: თბილისის ზოოპარკი

ასეთი იქნება ზოოპარკის შენობის ფასადები მას შემდეგ, რაც მათზე ფერად ცხოველებს მიახატავენ.

ფოტო: თბილისის ზოოპარკი

ასეთი იქნება ზოოპარკის შენობის ფასადები მას შემდეგ, რაც მათზე ფერად ცხოველებს მიახატავენ.

ფოტო: თბილისის ზოოპარკი

ასეთი იქნება ზოოპარკის შენობის ფასადები მას შემდეგ, რაც მათზე ფერად ცხოველებს მიახატავენ.

ფოტო: თბილისის ზოოპარკი

ასეთი იქნება ზოოპარკის შენობის ფასადები მას შემდეგ, რაც მათზე ფერად ცხოველებს მიახატავენ.

ფოტო: თბილისის ზოოპარკი