ჯანმრთელობის განზრახ მძიმე დაზიანების ფაქტზე დაკავებულია 1981 წელს დაბადებული, წარსულში ნასამართლევი გ.ბ.

დეტალები: გამოძიების თანახმად, დღეს დილით ბრალდებულმა ცივი იარაღის გამოყენებით დაჭრა სასულიერო პირი და შემთხვევის ადგილიდან მიიმალა.

  • დანაშაულის ჩადენის იარაღი — დანა ნივთმტკიცებადაა ამოღებული.
  • გამოძიება საქართველოს სისხლის სამართლის კოდექსის 117-ე მუხლის პირველი ნაწილით მიმდინარეობს.
  • დანაშაული 7 წლამდე ვადით თავისუფლების აღკვეთას ითვალისწინებს.