ამის შესახებ ასლან ბჟანიამ პრესკონფერენციაზე ისაუბრა.

რატომ არის მნიშვნელოვანი: ოკუპირებული აფხაზეთის ე.წ. პრეზიდენტი ამბობს, რომ საქართველოს ამჟამინდელი ხელმძღვანელობა სიტუაციას აკონტროლებს, ხოლო ოპოზიცია აფხაზეთში არაერთ ცუდ მოვლენას გეგმავს.

  • ეს პირველი შემთხვევა არ არის, როცა საოკუპაციო რეჟიმი საქართველოს ხელისუფლების საქმიანობით კმაყოფილია.

დეტალები: საქართველო და მისი მთავრობა ბჟანიამ ე.წ. პარლამენტში "სახელმწიფო უსაფრთხოების ორგანოების შესახებ კანონში" შესატანი ცვლილებების განხილვისას ახსენა.

  • "ზოგს ჰგონია, რომ ქრისტეს წიაღში ვართ მყარად ჩაფლული და არაფერი გვემუქრება და ეს, იმის მიუხედავად, რომ ბომბები და ჭურვები უკვე ცვივა ჩვენი სტრატეგიული მოკავშირის [რუსეთის] ტერიტორიაზე. საქართველოს დღევანდელი ხელმძღვანელობა სიტუაციას აკონტროლებს, მაგრამ ოპოზიცია [აფხაზეთში] არაერთ ცუდ მოვლენას გეგმავს.