პარლამენტის ყოფილმა წევრმა და ამჟამად პარტია თავისუფალი საქართველოს იმერეთის ორგანიზაციის ხელმძღვანელმა გოგი წულაიამ, ქუთაისში, გამსახურდიას ქუჩაზე, მორიგი პერფორმანსი მოაწყო.

ქუთაისი პოსტის ცნობით, წულაიამ გორის ქუჩის და ჭავჭავაძის გამზირის დამაკავშირებელი ქუჩის მონაკვეთის დაზიანებულ საავტომობილო გზაზე ბეტონი დააგო და ამ გზით ქუთაისში, მოუწესრიგებელი გზები გააპროტესტა:

"ოდნავ ნორმალურ ქვეყანაში, როცა ხელისუფლება თავის მოქალაქეებს ასეთ წუმპეში აცხოვრებს, მოსახლეობა ან აიძულებს გააკეთოს ან კაბინეტებიდან ყრიან ასე ხელისუფლებას. თუ იმის თავი არ გვაქვს, რომ ეს ხელისუფლებას გავაკეთებინოთ, მაშინ ჩვენ თვითონ გავაკეთოთ," - უთხრა წულაიამ ქუთაისი პოსტს.