აქუბარდია: საქართველოს ტოვებენ მარტო, ერთი ერთზე რუსეთთან და ეს არის ყველაზე დიდი უბედურება

2 Mar. 2023, 19:57

ის, რომ ქართულ ოცნებას კრიტიკული აზრის, რომელიც მხარდაჭერილია დასავლეთის მხრიდან, ყველა იმ პრობლემის გაშუქების, რომელიც დემოკრატიისთვის აუცილებელია, ამ კომიტეტზე დღეს კიდევ ერთხელ გამოჩნდა, როდესაც არ შეუშვეს სხდომათა დარბაზში არასამთავრობო ორგანიზაციებისა და მედიის წარმომადგენლები, რომლებიც გავლენის უნდათ, რომ მონათლონ.

ეს ყველაფერი კიდევ ერთი გაგრძელებაა იმ ძალადობის, რომელსაც ქართული ოცნება ახორციელებს და არა მხოლოდ მედიისა და არასამთავრობო სექტორის მიმართ, არამედ ჩვენი კონსტიტუციისა და ჩვენი მოქალაქეების მიმართ. მაშინ, როცა მთავრობას აქვს უამრავი ხელშეკრულება გაფორმებული ჩვენს დასავლელ სტრატეგიულ პარტნიორებთან გაფორმებული, ასოცირების შეთანხმება, 12 რეკომენდაციის ნაწილში, ამაზე ხდება დღეს უარის თქმა და ეს შეეხება თითოეულ მოქალაქეს.

არავინ არ იფიქროს, რომ ეს მხოლოდ და მხოლოდ არასამთავრობო სექტორი და მედიის ამბავია. ეს იქნება თითოეული მოქალაქის კეთილდღეობაზე ასახული, ისევე როგორც უსაფრთხოებაზე, რადგან მთავრობის ბიუჯეტი შედგება უამრავი დასავლური გრანტისგან და მაშინ, როცა დასავლეთი დაინახავს უარს საქართველოს ხელისუფლების მხრიდან, ისინი აუცილებლად შეამცირებენ ამ დახმარებას, რაც უარყოფითად იქნება ასახული მოქალაქეებზე. [...] საქართველოს ტოვებენ მარტო, ერთი ერთზე რუსეთთან და ეს არის ყველაზე დიდი უბედურება, რაც შეიძლება, ქვეყანას მოუვიდეს. [...]

მოვუწოდებ თითოეულ ადამიანს, რომ გამოვიდეს და დააფიქსიროს საკუთარი პოზიცია. ივანიშვილს და ქართულ ოცნებას ეშინია მხოლოდ და მხოლოდ ხალხის რაოდენობის, ისინი თვლიან თავებს და უნდათ დათვალონ, რამდენი უპირისპირდება ამ კანონს და ქვეყნის რუსულ ორბიტაზე დაბრუნებას. წინააღმდეგ შემთხვევაში მათ ეს გამოუვათ.

ბოლო ამბები:

თეონა აქუბარდია აქუბარდია: საქართველოს ტოვებენ მარტო, ერთი ერთზე რუსეთთან და ეს არის ყველაზე დიდი უბედურება

კომენტარები

კვირის ტოპ-5

გირჩევთ

ახლა კითხულობენ

"სინდისის პატიმრები", "ოლიგარქი" — ComCom "ტვ პირველს" მსგავსი ფრაზების გამოყენებისთვის კვლავ ედავება