კომპანია გალფმა და 21-მა ფოტოგრაფმა მზიურში 13 ივნისისადმი მიძღვნილი გამოფენა გახსნეს

ახალ მზიურში კომპანია გალფმა და 21-მა ფოტოგრაფმა 13 ივნისისადმი მიძღვნილი ფოტოგამოფენა "მე მახსოვს 13 ივნისი" გახსნეს. გამოფენას თბილისის მერი - დავით ნარმანია, ვიცე-პრემიერი - კახა კალაძე, საკრებულოს თავმჯდომარე - გიორგი ალიბეგაშვილი და სხვა სტუმრები დაესწრნენ.

13 ივნისის ტრაგედია 21 ფოტოგრაფმა აღბეჭდა და ფართო მასებისთვის, სოციალური ქსელების მეშვეობით, სწრაფად ვრცელდებოდა მთელ მსოფლიოში, მსოფლიოს წამყვანი ონლაინ გამოცემები, ამ ფოტოების მეშვეობით ავრცელებდნენ ინფორმაციას საქართველოში დატრიალებული ტრაგედიის შესახებ.

"ეს იყო საქართველოს მოსახლეობისა, მთავრობისა და ბიზნეს სექტორის წარმოუდგენელი კონსოლიდაცია. მადლობა ყველა იმ ადამიანს, ვინც ჩვენს ხალხს ამ მძიმე დღეებში გვერდით დაუდგა და დახმარება გაუწია მათ," - განაცხადა თბილისის მერმა.

გამოფენა გალფის ფინანსური მხარდაჭერით გაიმართა და ის ორ დღეს გასტანს.