აშშ-ს სახელმწიფო მდივანი აცხადებს, რომ აგრესორი ქვეყნის დახმარების შემთხვევაში, ჩინეთს ეკონომიკური ფასის გადახდა მოუწევს.

რატომ არის მნიშვნელოვანი: შეერთებულმა შტატებმა გასულ კვირას დაზვერვის მონაცემებზე დაყრდნობით განაცხადა, რომ ჩინეთი რუსეთისთვის ლეტალური იარაღის გაგზავნას განიხილავს.

  • სამხედრო დახმარების მიწოდება რუსეთისთვის ჩინეთს ავტომატურად აშშ-სა და NATO-ს საპირისპირო მხარეს აყენებს.
  • პეკინი დიდი ხანია რუსეთის უკრაინაში შეჭრის გამართლების მცდელობებს აძლიერებს.
  • უკრაინაში ომის დაწყებამდე 2 კვირით ადრე რუსეთის პრეზიდენტი, პუტინმა ჩინეთთან "ულიმიტო" პარტნიორობის დოკუმენტს მოაწერა ხელი.

დეტალები: ბლინკენის თქმით, ასეთი მხარდაჭერის შემთხვევაში მოსალოდნელი შედეგების თაობაზე ჩინეთი მკაფიოდ გააფრთხილეს.

  • მისი განცხადებით, აშშ არ მოერიდება იმას, რომ ჩინურ კომპანიებსა და ფიზიკურ პირებს, რომლებიც სანქციებს დაარღვევენ, ან სხვა მხრივ დაეხმარებიან რუსეთს მიმდინარე ომში, სანქციები დაუწესონ.
  • ამავდროულად, პუტინის მთავარი მოკავშირე, ბელარუსის პრეზიდენტი ალექსანდრ ლუკაშენკო ჩინეთში ოფიციალური ვიზიტით იმყოფება და სი ძინპინთან შეხვედრას გამართავს.