ამის შესახებ FBI-ის დირექტორმა, კრისტოფერ ურეიმ Fox News-თან ისაუბრა.

რატომ არის მნიშვნელოვანი: ეს პანდემიის სავარაუდო წარმოშობის შესახებ FBI-ის პირველი საჯარო დადასტურებაა, თუმცა ვერსიის ირგვლივ მკაფიო კონსენსუსი არ არსებობს.

  • ჩინეთმა უარყო მედიაში გავრცელებული ინფორმაცია და ბრალდებას ცილისწამება უწოდა, თუმცა ჯერ არ გამოხმაურებია FBI-ის დირექტორის განცხადებას.
  • ზოგიერთი კვლევა ვარაუდობს, რომ კორონავირუსი ცხოველებიდან ადამიანებზე ვუჰანში, ცხოველების ბაზრობიდან გავრცელდა, რომელიც ვირუსების ლაბორატორიიდან 40 წუთის სავალზე მდებარეობს.
  • 2021 წელს ჯანდაცვის მსოფლიო ორგანიზაცია (WHO) აცხადებდა, რომ ვირუსის ლაბორატორიიდან გაჟონვის ვერსია უკიდურესად საეჭვო იყო.

დეტალები: კრისტოფერ ურეის განცხადებით, FBI-ის მიაჩნია, რომ Covid-19 "სავარაუდოდ" წარმოიშვა "ჩინეთის მთავრობის მიერ კონტროლირებად ლაბორატორიაში".

  • აქამდე, ჩინეთში აშშ-ს ელჩმა ქვეყანას მოუწოდა, უფრო გულწრფელი ყოფილიყო კორონავირუსის წარმოშობასთან დაკავშირებით.
  • მან სამშაბათს ინტერვიუში განაცხადა, რომ ჩინეთი ყველა საშუალებით ხელს უშლის გლობალური პანდემიის წყაროს იდენტიფიცირებას.
  • "გარკვეულმა მხარეებმა უნდა შეწყვიტონ ლაბორატორიდან გაჟონვის ნარატივის ხელახალი გამეორება, შეწყვიტონ ჩინეთის რეპუტაციის შელახვა და ვირუსის წარმომავლობის პოლიტიზირება", — განაცხადა ჩინეთის საგარეო საქმეთა სამინისტროს სპიკერმა, მაო ნინგმა.
  • ორშაბათს, თეთრი სახლის ეროვნული უშიშროების საბჭოს სპიკერმა, ჯონ კირბიმ თქვა, რომ აშშ-ს პრეზიდენტი ჯო ბაიდენი მხარს უჭერს მთავრობის ძალისხმევას აღმოაჩინოს კორონავირუსის წარმომავლობა.
  • ამასთანავე, ბოლო პერიოდში ჯაშუშური ბუშტების საგის ფონზე შეერთებულ შტატებსა და ჩინეთს შორის დაძაბულობა გაიზარდა.