ჩინეთი, რომელიც უკრაინას სამშვიდობო მოლაპარაკებებისკენ მოუწოდებს, ომის წლისთავზე თავის შემუშავებულ 12-პუნქტიან გეგმას აქვეყნებს.

რატომ არის მნიშვნელოვანი: გავრცელებულ სამშვიდობო გეგმაში ჩინეთის მთავრობა თავს ნეიტრალურ მხარედ წარმოაჩენს, თუმცა არ გმობს უკრაინაში რუსეთის შეჭრას, ხოლო დასავლეთს სამხედრო დაძაბულობის გაღვივებაში ადანაშაულებს.

  • დღეს პეკინმა თავი შეიკავა გაეროს რეზოლუციის მხარდაჭერისგან, რომელიც რუსეთის უკრაინიდან გასვლას მოითხოვდა.
  • ოთხშაბათს, ჩინეთის უმაღლესი დიპლომატი მოსკოვს ეწვია და პარტნიორობის გაღრმავება აღუთქვა.
  • აშშ-ის დაზვერვის მონაცემებით, დიდი რაოდენობით მოიერიშე თვითმფრინავების გადასაცემად რუსეთი ჩინურ კომპანიასთან მოლაპარაკებებს აწარმოებს.

დეტალები: გეგმაში კონკრეტული ენის ნაცვლად ზოგადი მოწოდებებია გაჟღერებული, რომელიც ოკუპანტ ქვეყანასა და უკრაინას ერთნაირად მიემართება.

  • დოკუმენტის მთავარი გზავნილია უკრაინასა და რუსეთს შორის მოლაპარაკებების დაწყება, ბირთვული ესკალაციის თავიდან აცილება და მშვიდობიან მოსახლეობაზე თავდასხმების შეწყვეტა.
  • დოკუმენტში ნათქვამია, რომ საერთაშორისო საზოგადოებამ მოლაპარაკების განახლებისთვის პლატფორმები უნდა შექმნას, ხოლო ჩინეთი აპირებს ამ კუთხით კონსტრუქციული როლი შეასრულოს.
  • "ჩინეთი ეწინააღმდეგება ნებისმიერი ქვეყნის მიერ ქიმიური და ბიოლოგიური იარაღის კვლევას, განვითარებას და გამოყენებას ნებისმიერ ვითარებაში", — ნათქვამია განცხადებაში.
  • დოკუმენტი მხარეებს მოუწოდებს, იყვნენ რაციონალური და გამოიჩინონ თავშეკავება.
  • ასევე, "მკაცრად დაიცვან საერთაშორისო ჰუმანიტარული სამართალი, მოერიდონ მშვიდობიანი მოქალაქეების ან სამოქალაქო ობიექტების თავდასხმას, დაიცვან ქალები, ბავშვები და კონფლიქტის სხვა მსხვერპლნი".