ახალგაზრდა ირლანდიელმა მსახიობმა, ჯეკ გლისონმა, HBO-ს ცნობილ სერიალში Game of Thrones ჯოფრი ბარათეონის ოსტატურად შესრულებული როლით საზოგადოებას სამუდამოდ დაამახსოვრა თავი. დღეს კი ამ საკულტო პერსონაჟის ფიგურას მსახიობი აუქციონზე ყიდის.

ფოტო: Верховна Рада України

ფიგურის გაყიდვით მიღებულ თანხას ჯეკი უკრაინის დასახმარებლად გამოიყენებს: "მინდა, უკრაინას დამოუკიდებლობისთვის ბრძოლაში მხარდაჭერა გამოვუცხადო. ახლა კი უკრაინელი კოლეგების ინიციატივის მხარდასაჭერად, მსურს, აუქციონზე გავიტანო ეს ფიგურა, რომელიც ლოს-ანჯელესში შექმნა ხელოვანმა."