ჩეჩნეთის პარლამენტმა კონსტიტუციაში ცვლილებას მხარი ერთხმად დაუჭირა.

რატომ არის მნიშვნელოვანი: კადიროვი ჩეჩნეთის რესპუბლიკას 2007 წლიდან, უკვე 15 წელია, ხელმძღვანელობს.

  • მისი ძალაუფლება ადამიანის უფლებების მასობრივ დარღვევებზე, ზეწოლაზე, იძულებაზე, ძალადობასა და სასტიკ რეპრესიებზეა დაფუძნებული;
  • კადიროვმა ვლადიმერ პუტინის უპირობო ერთგულებაც არაერთხელ დაადასტურა, მათ შორის, რუსეთის მიერ უკრაინაში შეჭრის შემდეგ.
  • ჩეჩნეთის ლიდერის წინააღმდეგ დასავლეთს სანქციებიც აქვს დაწესებული.

დეტალები: ამიერიდან კადიროვის წოდება ჩეჩნურ ენაზე "მეხკ-და" იქნება, რაც "ხალხის/ერის მამას" ნიშნავს.

  • "კანონი აკონკრეტებს ჩეჩნურ ენაში ჩეჩნეთის რესპუბლიკის ხელმძღვანელის პოზიციას. ამ ცვლილების მიზანი ჩეჩნურ ენაში რეგიონის ლიდერის ტიტულის ერთგვაროვანი გამოყენების დაფუძნებაა", — ნათქვამია განცხადებაში.
  • ჩეჩნეთის პარლამენტის განცხადებით, ეს წოდება ქვეყანაში ისტორიულად არსებობდა.