ვოლოდიმირ ზელენსკის განცხადებით, ომის დაწყებიდან დღემდე 1 762 უკრაინელი დაიბრუნეს.

რატომ არის მნიშვნელოვანი: რუსეთმა ომის დაწყების შემდეგ არაერთი ადამიანი აიყვანა ტყვედ, მათ შორის არიან, როგორც მშვიდობიანი მოქალაქეები, ასევე სამხედროები.

  • იანვარში უკრაინის ომბუდსმენი ამბობდა, რომ რუსეთი წითელ ჯვარს ტყვეების მონახულების საშუალებას არ აძლევს.
  • სახალხო დამცველის განცხადებით, სასიცოცხლოდ მნიშვნელოვანია, რომ სადამკვირვებლო მისიის წარმომადგენლებმა ოკუპირებულ ტერიტორიებზე დატყვევებულ ადამიანებთან წვდომა შეძლონ.

დეტალები: გათავისუფლებულთა შესახებ უკრაინის პრეზიდენტმა ყოველდღიური ვიდეომიმართვის დროს ისაუბრა.

  • დღეს უკრაინამ კიდევ 116 სამხედრო დაიბრუნა.
  • "ჩვენ მუდმივად ვმუშაობთ იმისთვის, რომ სახლში დავაბრუნოთ ყველა ჩვენი ადამიანი, რომელიც რუსეთის ტყვეობაშია. მე ბედნიერი ვარ ყოველ ჯერზე, როდესაც ამას ვაღწევსთ", — თქვა ზელენსკიმ.