ამის შესახებ ნიკოლოზ სააკაშვილმა კლინიკა ვივამედის ეზოში, ჟურნალისტებთან საუბრისას განაცხადა.

რატომ არის მნიშვნელოვანი: სააკაშვილის განცხადებით, ექსპრეზიდენტს ნევროლოგიური, ფსიქიატრიული, გასტროენტეროლოგიური და ჰემატოლოგიური დაავადებების რთული კომბინაცია აქვს.

  • ხოლო ამ დაავადებების სათავედ იგი მძიმე მეტალებით მოწამვლას მიიჩნევს, რაც ნელ სიკვდილს იწვევს.

დეტალები: ნიკოლოზ სააკაშვილის თქმით, აქვს ინფორმაცია, რომ კლინიკის ოფიციალურ დოკუმენტებში ექსპრეზიდენტის სიმაღლეს ცვლიან, რათა წონაში კლება კატასტროფული არ აღმოჩნდეს.

  • სააკაშვილი ამბობს, რომ თუ ფაქტი დადასტურდა, ეს კრიმინალური დანაშაულია.
  • "მე მაინც იმედი მაქვს, რომ ექიმის ლოგიკა და სინდისი გაიმარჯვებს და როგორც დოკუმენტაცია, ისე დამოკიდებულებაც უფრო ნამდვილი იქნება", — აცხადებს იგი.
  • ექსპრეზიდენტის მამის შეფასებით, ამ სიტუაციაში უადგილოა აქცენტის საკვებზე გაკეთება, რადგან მძიმე მეტალებით ინტოქსიკაცია იწვევს საკვების ზიზღს.
  • იგი ვივამედის ხელმძღვანელობას პროცესების დაჩქარებისკენ მოუწოდებს.