კიმ კარდაშიანსა და კანიე ვესტს, რომელიც ახლა Ye-ს სახელითაა ცნობილი, ერთად 4 შვილი ჰყავთ — ნორზი, სეინტი, ჩიკაგო და სალმი. კიმისა და Ye-ს უფროსი შვილები, 9 წლის ნორზი და 7 წლის სეინტი, საზოგადოებისთვის უკვე კარგად ცნობილები არიან მშობლების დამსახურებით, თუმცა ახლახან გავრცელებული ინფორმაციით, ისინი პირველ როლს მიიღებენ ფილმ Paw Patrol: The Mighty Movie-ში და კიდევ უფრო მეტად მოექცევიან მაყურებლის ყურადღების ცენტრში.

ფოტო: Kim Kardashian / Instagram

ანიმაციურ ფილმში მონაწილეობას კიმ კარდაშიანიც მიიღებს და დელორესს გაახმოვანებს. Paramount Pictures-მა ახლახან ინსტაგრამზე გამოაქვეყნა პოსტი, რომელშიც ფილმში მონაწილე სხვა ვარსკვლავების სახელებსაც ვნახავთ.

კიმ კარდაშიანთან ერთად ფილმის პერსონაჟებს ისეთი ცნობილი ადამიანები გაახმოვანებენ, როგორიც კრისტენ ბელი, ჯეიმს მარსდენი და სერენა უილიამსი არიან.

კამერები არც ნორზისა და სეინტისთვისაა უცხო, თუმცა ეს მათი პირველი ოფიციალური როლი იქნება, როცა სხვა პერსონაჟს განასახიერებენ და გაახმოვანებენ ანიმაციურ ფილმში, რომლის პრემიერაც 2023 წლის 13 ოქტომბერს შედგება.

ფოტო: Kim Kardashian / Instagr