ამის შესახებ მედიასთან საგარეჯოს მრავალპროფილური სამედიცინო ცენტრის დირექტორმა, მამუკა ოთიაშვილმა ისაუბრა.

რა მოხდა: საგარეჯოში, 20 იანვრის ღამეს საცხოვრებელი კორპუსის ერთ-ერთი ბინის აივნიდან თავდამსხმელმა რამდენჯერმე გაისროლა.

  • შედეგად დაიღუპა 5 ადამიანი, მათ შორის, პოლიციელი — დაჭრილია 5 პირი.
  • თავდამსხმელმა, სავარაუდოდ, თავი მოიკლა.
  • იგი 1974 წელს დაბადებული ნ.ა ყოფილი სამხედროა, რომელმაც სამხედრო სამსახური 2021 წელს დატოვა.
  • გამოძიება სსსკ-ის 109-ე და 236-ე მუხლებით მიმდინარეობს, რაც დამამძიმებელ გარემოებაში ჩადენილ განზრახ მკვლელობას და ცეცხლსასროლი იარაღის უკანონო შეძენა/შენახვა/ტარებას გულისხმობს.

დეტალები: თავდასხმისას დაჭრილი ორი პირის ჯანმრთელობის მდგომარეობა დილიდან დამაკმაყოფილებელია, ხოლო მესამე, 24 წლის მამაკაცი, რეანიმაციულ განყოფილებაში მართვით სუნთქვაზე რჩება.

  • მისი მდგომარეობა ექიმების შეფასებით უკიდურესად მძიმეა, თუმცა დინამიკაში უკეთესია.
  • სამივე პაციენტი მკურნალობას განაგრძობს საგარეჯოს ჯეო ჰოსპიტალsის კლინიკაში, ხოლო ორი დაჭრილი კლინიკიდან უკვე გაწერილია.