ინფორმაციას ბელარუსის სამთავრობო არხი ბელარუს 1 ავრცელებს.

რატომ არის მნიშვნელოვანი: დაკავებული პირი გიორგი ზირაქაშვილია, რომელიც ბელარუსის დაზვერვის თანახმად უკრაინაში საომრად აპირებდა წასვლას.

  • ბელარუსის სამთავრობო არხი, რომელმაც ზირაქაშვილის დაკავებას სიუჟეტი მიუძღვნა, უკრაინის საელჩოს მინსკში ომისთვის ხალხის დაქირავებაში ადანაშაულებს.
  • ბელარუსში უკრაინის ელჩის, იგორ ქიზიმის განცხადებით, ეს ანტი უკრაინული ისტერიის მორიგი ტალღაა და ბელარუსი პროპაგანდისტები რუსი დამრიგებლების მითითებებით ხელმძღვანელობენ.

დეტალები: სიუჟეტში ნათქვამია, რომ 36 წლის მამაკაცი პოლონეთში ცხოვრობდა და ტაქსის მძღოლად მუშაობდა.

  • ზირაქაშვილმა საქართველოში ყოფნისას გადაწყვიტა ქართულ ლეგიონში გაწევრიანება და უკრაინის მხარეს ბრძოლა.
  • ბელარუსის გავლით უკრაინაში მიმავალი ზირაქაშვილი უშიშროების ძალებმა დააკავეს.