14 თებერვალი სულ უფრო და უფრო გვიახლოვდება, რაც, რა საკვირველია, ყველა ჩვენგანზე განსხვავებულად ზემოქმედებს. ზოგი თუ სიხარულითა და მუცელში მოფარფატე პეპლებით მოელის ვალენტინობას, ზოგს მარტოობა ანდაც გატეხილი გული ტანჯავს. სწორედ ამ უკანასკნელთათვის ტორონტოს ზოოპარკმა მშვენიერი გამოსავალი მოიფიქრა. “Adopt an Animal Valentine’s Day Special – Name-A-Roach" წამოწყებით ზოოპარკის წარმომადგენლები ნებისმიერ მსურველს, რომელიც მინიმუმ 25 დოლარს გაიღებს, შესაძლებლობას აძლევენ, მათ ტარაკნებს იმ ადამიანების სახელი დაარქვან, რომლებიც ნერვებს უშლიან ან წარსულში ატკინეს გული.

შემოწირულობის გაღების შემდეგ, აპლიკაციაში უბრალოდ იმ ადამიანის სახელი უნდა მიუთითო, ვის პატივსაცემადაც ტარაკანს არქმევ სახელს. შემდეგ კი სერტიფიკატის ჩამოტვირთვა და მისი იმ ავადსახსენებელ ადამიანთან გაგზავნაც შეგიძლია.

მაშ, თუკი გულის მოფხანა და ზოოპარკისთვის შემოწირულობის გაღება შენც გსურს, იცი, 14 თებერვლისთვის რაც უნდა ქნა.

ამავე თემაზე:

ბრიტანეთში შურისძიების მიზნით ვალენტინობაზე ტარაკნებს ყოფილის სახელს არქმევენ