ამის შესახებ ესტონეთის საგარეო უწყების მეთაურმა ტვიტერზე დაწერა.

რატომ არის მნიშვნელოვანი: სააკაშვილის ოჯახის წევრები, ექიმები და ადვოკატები ექსპრეზიდენტის ჯანმრთელობის მკვეთრ გაუარესებაზე საუბრობენ და საზღვარგარეთ მის სამკურნალოდ გადაყვანას ითხოვენ.

  • ყოფილი პრეზიდენტის ჯანმრთელობის მდგომარეობაზე ცენტრ ემპათიის დასკვნაში ნათქვამია, რომ "მოსალოდნელია კომა და სიკვდილი".
  • სააკაშვილის სამკურნალოდ გადაყვანის თხოვნით საქართველოს ხელისუფლებას უკრაინის პრეზიდენტმა, საგარეო უწყებამ და ომბუდსმენმაც მიმართეს.
  • 12 დეკემბერს სტრასბურგში გამართულ პრესკონფერენციაზე კი ევროპარლამენტარებმა, მირიამ ლექსმანმა და ანა ფოტიგამ ქართულ ოცნებას მოუწოდეს, გათავისუფლდეს სააკაშვილი ჯანმრთელობის მდგომარეობის გამო.

დეტალები: ესტონეთისა და საქართველოს საგარეო საქმეთა მინისტრებს შორის სატელეფონო საუბარი 11 იანვარს გაიმართა.

  • ურმას რეინსლაუს განცხადებით, საუბარი უკრაინაში მიმდინარე ომსა და ყოფილი პრეზიდენტის ჯანმრთელობის საკითხს შეეხო.
  • "მე, ასევე, გამოვთქვი შეშფოთება სააკაშვილის ჯანმრთელობის გამო და მოვუწოდე, მას მიეცეს საზღვარგარეთ მკურნალობის საშუალება", — დაწერა მინისტრმა.

ილია დარჩიაშვილის განცხადებით, ესტონელ კოლეგასთან ორ ქვეყანას შორის ნაყოფიერი თანამშრომლობასა და საქართველოს ევროპულ მისწრაფებებზე ისაუბრა.

  • "ყურადღება გავამახვილეთ ესტონეთის ურყევი მხარდაჭერის მნიშვნელობაზე საქართველოს ევროპული მისწრაფებების მიმართ. ჩვენ, ასევე, ხაზგასმით აღვნიშნეთ საქართველოსთვის ევროკავშირის კანდიდატის სტატუსის მინიჭების მნიშვნელობა", — წერს დარჩიაშვილი.