მართალია, ბევრ ჩვენგანს ახალი წელი საშობაო სიმღერების გარეშე ვერ წარმოუდგენია, თუმცა ზოგს ისინი იმდენად სძულს, რომ მზადაა დიდი თანხა გადაიხადოს, რათა აღარასდროს მოისმინოს. ბრიტანელმა წყვილმა ახლახან 60 000 დოლარი შეაგროვა, რათა Wham!-ის 1984 წლის სიმღერის, Last Christmas-ის გამოყენების უფლება მოეპოვებინა.

ჰანა მაზეტის თქმით, ეს სიმღერა თინეიჯერობისას შესძულდა, როცა ოქსფორდის ერთ-ერთი კაფეში მუშაობდა, მისი ბოსი კი Last Christmas-ს გამუდმებით მაღალ ხმაზე რთავდა. "კაფეს მფლობელი ბოლომდე ვერ ხვდებოდა, თუ რას განიცდიდა პერსონალი, რომელსაც Last Christmas-ის მოსმენა დღეში 111-ჯერ უწევდა", — ამბობს ჰანა.

მაზეტის თქმით, ქმართან ერთად Last Christmas-ის გამოყენების უფლების მოპოვება მას შემდეგ გადაწყვიტა, რაც მეგობრისგან გაიგო, რომ თეორიულად ეს შესაძლებელი იყო და ასე საშუალება მიეცემოდა, ყველა პლატფორმიდან სიმღერის აღება მოეთხოვა.

წყვილმა დაახლოებით 60 ათასი დოლარის შეგროვება შეძლო, რაშიც მათ 330 კონტრიბუტორი დაეხმარა. ამ ეტაპზე Last Christmas-ის გამოყენების უფლებას ბრიტანული კომპანია Warner Chappell Music ფლობს და სიმღერის სავარაუდო ფასი 18-23 მილიონი დოლარია.

მაზეტის თქმით, ინტერნეტში საკმაოდ ბევრი თანამოაზრე იპოვა, რომელთა უმრავლესობაც ფიქრობს, რომ ჩვენი ცხოვრებიდან კიდევ ბევრი საშობაო სიმღერა უნდა გაქრეს, მათ შორის მერაია ქერის All I Want for Christmas Is You.