ტერაქტიდან რამდენიმე საათში, დონალდ ტრამპი ლონდონის მერს აკრიტიკებს

ლონდონის პირველ მუსლიმ მერს, სადიქ ხანს, ამერიკის პრეზიდენტი დონალდ ტრამპი, ტერაქტიდან რამდენიმე საათში, ტვიტერიდან აკრიტიკებს.

"7 დაღუპული და 48 დაშავებული და ლონდონის მერი ამბობს, რომ, შიშის მიზეზი არ არსებობს?" - წერს ტრამპი.

At least 7 dead and 48 wounded in terror attack and Mayor of London says there is "no reason to be alarmed!"
— Donald J. Trump (@realDonaldTrump) June 4, 2017

ლონდონის მერმა, ტერაქტიდან ცოტა ხანში მოქალაქეებს ასე მიმართა:

"ლონდონელები, მომავალი დღეების განმავლობაში, ქალაქში პოლიციელების გაზრდილ რაოდენობას დაინახავენ, შიშის საფუძველი არ არსებობს".

ტრამპი გააკრიტიკა შარშან, ბრიტანეთში მოკლული პარლამენტარის, ჯო კოქსის, ქმარმა:

"დონალდ ტრამპ, შენ შენი ქვეყნის ყველაზე ცუდ მხარეს წარმოადგენ, მაშინ, როდესაც სადიქ ხანი ჩვენი ქვეყნის ერთ-ერთი საუკეთესო წარმომადგენელია".

You represent the worst of your country, @SadiqKhan represents some of the best of ours.
— Brendan Cox (@MrBrendanCox) June 4, 2017

ლონდონში დაღუპულთა რიცხვი 7-მდე გაიზარდა, ტერაქტთან კავშირის ბრალდებით, პოლიციამ 12 პირი დააკავა.

ხანს და ტრამპს შორის დაპირისპირება ჯერ კიდევ მაშინ დაიწყო, როდესაც ტრამპი შეერთებული შტატების პრეზიდენტობის კანდიდატი იყო. ლონდონის პირველი მუსლიმ მერი 1 წლის წინ ამბობდა, რომ, დონალდ ტრამპი, ისლამთან დაკავშირებით, უმეცრებას ავლენდა და თავისი განცხადებებით ექსტრემისტებს უწყობდა ხელს. აღნიშნულის შემდეგ, ტრამპი აცხადებდა, რომ, გაპრეზიდენტების შემთხვევაში, ბრიტანეთთან შესაძლოა კარგი ურთიერთობა არ ჰქონოდა.

ბოლო ამბები:

გირჩევთ