იანდექსის საზოგადოებასთან ურთიერთობის მენეჯერის, ოჩირ მანჯიკოვის ცნობით, რუსული ინტერნეტ გიგანტი კიევსა და ოდესაში ოფისებს ხურავს. ამის შესახებ ინფორმაციას რუსული ტელევიზია დოჟდი ავრცელებს.

მანჯიკოვის თქმით, კომპანიის ყველა ანგარიში დაბლოკილია, რის გამოც თანამშრომლებს ანაზღაურებას ვერ უხდის:

სწორედ ამიტომ მივიღეთ გადაწყვეტილება დავხუროთ ოფისები კიევსა და ოდესაში. ჩვენს გუნდს კი შევთავაზებთ, მუშაობა იანდექსის სხვა ოფისებში განაგრძონ, სხვადასხვა ქვეყანაში."

16 მაისს, პრეზიდენტ პოროშენკოს განკარგულებით, უკრაინაში იანდექსი, ვკონტაკტე, ოდნოკლასნიკი და Mail.ru დაიბლოკა.

მაისის ბოლოს, უკრაინის უსაფრთხოების სამსახურმა (SBU), სახელმწიფო ღალატის მუხლით მიმდინარე გამოძიების ფარგლებში, კიევსა და ოდესაში, იანდექსის ოფისები გაჩხრიკა.