სახალხო დამცველის, ნინო ლომჯარიას განცხადებით, პრეზიდენტს გაუზიარა შთაბეჭდილება იმის შესახებ, რაც ვივამედში ნახა.

რატომ არის მნიშვნელოვანი: ლომჯარიამ ყოფილი პრემიერმინისტრი ვივამედში 28 ნოემბერს მოინახულა.

  • 28 ნოემბერს ექსპრეზიდენტის სასამართლო პროცესი უნდა გამართულიყო, თუმცა გადაიდო.
  • ადვოკატის თქმით, მიხეილ სააკაშვილს პროცესზე დასწრება სურდა, თუმცა შემდეგ პარტიის წევრმა, ხატია დეკანოიძემ თქვა, რომ ამის საშუალება ექიმებმა ჯანმრთელობის მდგომარეობის გამო არ მისცეს.
  • მოგვიანებით, ვივამედის დირექტორმა განმარტა, რომ ექსპრეზიდენტს ნევროლოგის კონსულტაცია ჩაუტარდა, რომელმაც უარყოფითი დინამიკა აჩვენა და გადაყვანა გამართლებული არ იყო.

დეტალები: ლომჯარიას თქმით, ზურაბიშვილი საქმის კურსშია და თვალყურს ადევნებს მიხეილ სააკაშვილის ჯანმრთელობის მდგომარეობას.

  • ლომჯარიამ ექსპრეზიდენტის ჯანმრთელობის მდგომარეობაზეც ისაუბრა და თქვა, რომ დასუსტებულია — "თავად ექიმებიც აღიარებენ, რომ მის დინამიკაში გაუმჯობესება არ შეინიშნება".
  • "აქვს მკვეთრი შემცირება წონაში, არ შეუძლია მოძრაობა, სიარული, უჭირს საუბარი, არის უენერგიოდ, აქვს სიცხეები და არ ვიცი, რა ჰქვია დიაგნოზით ამ მდგომარეობას, მაგრამ მე ვნახე მძიმე მდგომარეობაში მყოფი ადამიანი", — თქვა ლომჯარიამ.