ირანის საგარეო საქმეთა სამინისტროს განცხადებით, ირანი უარს ამბობს გაეროს დამოუკიდებელ გამოძიებაზე ქვეყანაში ანტისამთავრობო საპროტესტო გამოსვლების რეპრესიების შესახებ.

რატომ არის მნიშვნელოვანი: პროტესტი და გამოსვლები 22 წლის ქალის, მაჰსა ამინის დაღუპვას მოჰყვა. ის ე.წ. მორალის პოლიციამ "ჰიჯაბის ტარების წესის დარღვევისთვის" 13 სექტემბერს დააპატიმრა.

  • აქტივისტთა საინფორმაციო სააგენტო HRANA-ს ინფორმაციით, 26 ნოემბრის მდგომარეობით, დაიღუპა 450 მომიტინგე, მათ შორის 63 არასრულწლოვანი.
  • დაკავებულია 18 173 მომიტინგე.

დეტალები: გაერომ გადაწყვიტა, შექმნას ახალი საგამოძიებო მისია, რომელიც ირანში მასობრივი საპროტესტო გამოსვლების ჩახშობას გამოიძიებს.

  • "ირანი არ ითანამშრომლებს გაეროს უფლებათა საბჭოს მიერ შექმნილ პოლიტიკურ კომიტეტთან", — განაცხადა სამინისტროს სპიკერმა ნასერ ქანაანმა.
  • ამ გადაწყვეტილებას უწყებაში იმით ხსნიან, რომ ქვეყანაში დემონსტრაციები არ მცირდება.
  • ირანი არეულობაში უცხოელ "მტრებსა" და მათ "აგენტებს" ადანაშაულებს.

ამასთანავე, ირანს არ დაუსახელებია დაღუპულ მომიტინგეთა რიცხვი.

  • საგარეო საქმეთა მინისტრის მოადგილემ განაცხადა, რომ არეულობის დროს 50 პოლიციელი დაიღუპა და ასობით დაშავდა.