კორეელ მსახიობ იანგ-სუ ოს, რომელმაც Squid Game-ში შესრულებული როლისთვის ოქროს გლობუსი მოიპოვა, სექსუალური შევიწროებისთვის ბრალი წარუდგინეს. სასამართლომ მომჩივნის ბრალდება უკვე განიხილა და 78 წლის მსახიობი დაკავების გარეშე გაათავისუფლა.

სასამართლომ კორეელ მსახიობს ბრალი გასულ პარასკევს წარუდგინა. ბრალდების მიხედვით, 78 წლის მსახიობი 2017 წელს მომჩივან ქალს სხეულზე მისი ნებართვის საწინააღმდეგოდ შეეხო. ქალმა ოს წინააღმდეგ საჩივარი 2021 წლის დეკემბერში შეიტანა, საქმე კი 2022 წლის აპრილში დაიხურა. ქალმა საქმის განახლება თავიდან მოითხოვა, დაკითხვისას კი ომ ბრალდებები უარყო.

ფოტო: Netflix

"მე ქალს უბრალო ხელი ჩავკიდე, რათა ტბის ირგვლივ მისთვის მეგზურობა გამეწია. ამის გამო, მას პირადად მოვუბოდიშე და დამპირდა, რომ აურზაურს არ მოაწყობდა. თუმცა ეს იმას არ ნიშნავს, რომ ბრალდებას ვაღიარებ", — განაცხადა იანგ-სუ ომ. მსახიობის ერთ-ერთმა დამცველმა კი დასძინა, რომ "ყველაფერი რასაც ადგილობრივი მედია ავრცელებს, რეალობას არ შეესაბამება".

შეგახსენებთ, რომ 78 წლის იანგ-სუმ, რომელიც Squid Game-ში მოთამაშე 001-ის როლს ასრულებს, მაყურებლების განსაკუთრებული სიყვარული დაიმსახურა. სასიკვდილო შეჯიბრების დაწყებამდე გაღიმებით იგი Squid Game-ის ერთ-ერთ ყველაზე ცნობილ სახედ იქცა და ოქროს გლობუსიც მოიპოვა.