ამის შესახებ უწყება ინფორმაციას Telegram-ზე ავრცელებს.

რატომ არის მნიშვნელოვანი: უკრაინის უსაფრთხოების სამსახურის ცნობით, სამართალდამცავებმა აღმოაჩინეს საბუთები, რომლებიც ეპარქიის ხელმძღვანელობის რუსეთის მოქალაქეობას ადასტურებს.

  • ასევე, ამოღებულია ეპარქიის მმართველთა მიმოწერა მოსკოველ კურატორებთან, სადაც ჩანს, რომ ისინი ომის დაწყების შემდეგ საეკლესიო ლიტურგიების ჩატარებაზე ინსტრუქციებს იღებდნენ.

დეტალები: დოკუმენტების მიხედვით, რუსეთის მართლმადიდებლური ეკლესიის წარმომადგენლებმა სასულიერო პირებს უკრაინაში არსებულ სოციალურ-პოლიტიკურ და ფრონტზე არსებულ მდგომარეობაზე დეზინფორმაციის გავრცელება დაავალეს.

  • "ისინი მოითხოვდნენ, მღვდლებს უარეყოთ რუსეთის შეიარაღებული აგრესია და "მოსკოვის ეკლესიის" სავარაუდო ჩაგვრაზე ესაუბრათ".
  • გარდა ამისა, უშიშროებამ აღმოაჩინა საწყობები, სადაც პროკლემლისტური ლიტერატურა ინახებოდა და რომელიც აგრესორი ქვეყნის ქებასა და ოკუპანტების მხარდამჭერისკენ მოწოდებებს მოიცავს.

ამასთან, ეპარქიის ხელმძღვანელობის კომპიუტერებში ნანახია უკრაინის ჯარების წინააღმდეგ საომარ მოქმედებებში მონაწილე რუსეთის მოქალაქეების მოწმობები.

  • კერძოდ, "რუსეთის გმირის" მოწმობა, რომელსაც ხელი ოკუპანტი ქვეყნის თავდაცვის მინისტრმა 2014 წელს "ყირიმის აღებისთვის" მოაწერა.
  • გამოძიება სახელმწიფო ღალატის მუხლით მიმდინარეობს.