ამის შესახებ უკრაინის გენერალურმა პროკურორმა, ანდრეი კოსტინმა განაცხადა.

რატომ არის მნიშვნელოვანი: ეს პირველი შემთხვევა არ არის, როცა უკრაინულმა მხარემ დეოკუპირებულ ტერიტორიებზე ასობით ადამიანის ცხედრები აღმოაჩინა.

  • ოფიციალური პირები ამბობენ, რომ ძირითადად, სამარხებში მშვიდობიანი მოქალაქეები არიან, მათ შორის ბავშვები და მათ წამების კვალი ეტყობათ.
  • რუსეთი უარყოფს საკუთარ დანაშაულს და მასობრივ საფლავებზე ინფორმაციას სიცრუეს უწოდებს.

დეტალები: ცხედრები დეოკუპირებული ხარკოვის, ხერსონისა და დონეცკის ოლქებში იპოვეს.

  • "მათგან თითქმის 90% მშვიდობიანი მოქალაქეა. გამოვლინდა 20-ზე მეტი ადგილი, სადაც უკრაინის მოქალაქეები უკანონოდ დააკავეს და გაასამართლეს", — განაცხადა კოსტინმა.