ინფორმაცია On.ge-ს შინაგან საქმეთა სამინისტროში დაუდასტურეს.

რატომ არის მნიშვნელოვანი: 6 ნოემბერს არასრულწლოვანმა დაწერა, რომ ავტობუსში კაცი შეხსნილი პერანგის გამო, ჰომოფობიურ ნიადაგზე დაესხა თავს, ფიზიკური შეურაცხყოფა მიაყენა და მოკვლით ემუქრებოდა.

  • ვიდეოში, რომელიც სოციალურ ქსელში თავად დაზარალებულმა გამოაქვეყნა, ისმის, რომ კაცი მას შეურაცხყოფას აყენებს და აგინებს.

დეტალები: გამოძიება იმავე დღეს სისხლის სამართლის კოდექსის 126-ე, ძალადობის მუხლით დაიწყო. შსს გვითხრეს, რომ პირი სწორედ ძალადობის მუხლითაა დაკავებული.

  • ბიჭი იხსენებს, რომ კაცმა მისკენ ხელის დასარტყმელად გაიწია — "მერე კიდევ ერთმა გამოიწია და თითქმის ბრბოს ქვეშ მოვხვდი, რომელიც მაგინებდა და შეურაცხყოფას მაყენებდა".
  • "ეს კაცი წინ გადმოვიდა და ხელი დამარტყა. მეც თავი დავიცავი და ჩემი ძალით მოვიგერიე, მერე უკან დაიხია და მუქარებზე გადმოვიდა. ავტობუსში ზოგიერთი "ქალი" მე მაბრალებდა ამას", — წერდა არასრულწლოვანი.