ინფორმაციას უკრაინული მედია ავრცელებს.

რატომ არის მნიშვნელოვანი: ოკუპანტები ამბობენ, რომ ხიდებს უკრაინის შეიარაღებული ძალების წინსვლის შესაჩერებლად აფეთქებენ.

  • მედიის ინფორმაციით, აფეთქებების შედეგად უკვე რამდენიმე რეგიონის დამაკავშირებელი ხიდი განადგურდა.
  • ჯერ კიდევ ოქტომბრის შუა რიცხვებში უკრაინაში რუსეთის საოკუპაციო ძალების ახალმა მეთაურმა, სერგეი სუროვიკინმა უკრაინის წარმატებული კონტრშეტევის შესაჩერებლად ხერსონში "რთული გადაწყვეტილებების" მიღებაც არ გამორიცხა.

დეტალები: აფეთქებული ხიდების ფოტოებს პრორუსული ტელეგრამ არხები ვირუსულად აქვეყნებენ.

  • ამჟამად დადასტურებულია ინფორმაცია დარევსკის, ტიაგინსკისა და ნოვოვასილიევსკის ხიდების განადგურებაზე.
  • "დამპყრობლები ახლა ძირს უთხრიან აბსოლუტურად ყველა ხიდს, რომლებიც ხერსონის მარჯვენა სანაპიროზე", — განაცხადა რეგიონის სამხედრო ადმინისტრაციის უფროსის მრჩეველმა, სერგეი ხლანმა.